A Universidade da Coruña e Tetra Pak reforzan a súa colaboración co desenvolvemento de novas aplicacións de produtos, mediante a revalorización de residuos e outros produtos poliméricos, co obxectivo de contribuír á construción dun futuro máis sostible e aliñado cos obxectivos de desenvolvemento sostible establecidos pola comunidade internacional. Os traballos, desenvolvidos baixo a dirección de Ana Isabel Ares Pernas, docente da Escola Universitaria de Deseño Industrial (EUDI) e membro activo do grupo de Polimeros, céntranse no desenvolvemento de formulacións para inxección a partir de polyal. Os traballos teñen unha duración de 3 meses, a desenvolver entre decembro de 2024 e marzo de 2025.

As investigadoras da UDC, Ana Isabel Ares Pernas, María José Abad López, María Victoria González Rodríguez y Paula Martínez Tojeiro, a través do Grupo de Polímeros da UDC adscrito ao Centro de investigación e Tecnoloxías Navis e Industriais (CITENI), traballan no uso de novas aplicacións e produtos, mediante a revalorización residuos e outros produtos poliméricos, co obxectivo de ofrecer alternativas viables, con maior durabilidade, máis eficientes e que reduzan os custos de mantenemento. 

A investigadora María José Abad López da Escola Universitaria de Deseño Industrial (EUDI) e coordinadora do Grupo de Polímeros da UDC lidera proxectos para o desenvolvemento de solucións de materiais plásticos máis sostibles. O euipo de traballo desenvolve proxectos de deseño dunha carcasa de protección de batería de ferroníquel para aplicacións estacionarias, dunha Tobeira Híbrida Sostible, para a súa produción na industria galega e un proxecto de deseño de mobiliario para interiores a base do taboleiro laminado de plástico reciclado. Os tres proxectos, inciados en abril de 2024, teñen unha duración de 5 meses e medio e contan cun orzamento de 38.000 euros. 

As investigadoras Rebeca Bouza Padín da Escola Politécnica de Enxeñaría de Ferrol (EPEF) e María José Abad López da Escola Universitaria de Deseño Industrial (EUDI) e coordinadora do Grupo de Polímeros da UDC lideran proxectos para o desenvolvemento de solucións de materiais poliméricos máis sostibles. O equipo de traballo liderado pola investigadora Rebeca Bouza Padín leva a cabo un estudo de Materiales Biopolimericos, por período de dous anos, ata novembro de 2024 e o equipo de traballo liderado pola investigadora María José Abad López desenvolve un estudo na área de ensaios clínicos con materiais poliméricos por un período de catro anos, ata xuño de 2027.

A investigadora María José Abad López da Escola Universitaria de Deseño Industrial e coordinadora do Grupo de Polímeros da UDC recibe encargos para liderar proxectos financiados con cargo ao programa “Deseña Peme” de LEDISSON LIGHTING, relacionado co proxecto LUMI-NON-Ao, cuxo obxectivo é o deseño de deseño dunha nova luminaria inspirado na iconografía da contorna e da cultura do Camiño de Santiago e de ADIDRON, relacionado co proxecto ADIDRON, cuxo obxectivo é o deseño dunha embarcación non tripulada fabricada por impresión 3D.

Por primeira vez na historia da Universidade da Coruña (UDC), o científico do Centro de Investigación en Tecnoloxías Navais e Industriais (CITENI) do Campus Industrial de Ferrol Jaime Martín Pérez recibe unha ERC Consolidator Grant, dotada con dous millóns de euros, para financiar a súa investigación sobre polímeros semicondutores e a súa aplicación en electrónica orgánica.

O equipo de traballo, dirixido pola investigadora e profesora de Física e Ciencias da Terra da Universidade da Coruña Ana Ares Pernas, encargaráse de levar a cabo as actuacións de: formacion, identificación e separación de plásticos, recomendacións de uso do material reciclado e asesoramento durante todo o proceso de transformación dos residuos mariños. As actividades teñen prevista unha duración de 4 meses e medio. 

Ana Ares Pernas, investigadora do Grupo de Polímeros e profesora da Escola Universitaria de Deseño Industrial de Ferrol, pon en marcha xunto ao Concello de Narón un programa de asesoramento e formación no tratamento e valorizacion de plásticos enmarcado no Proxecto Ártabro Inclusivo. A formación impartirase por un período de 7 meses e ten como finalidade contribuir á erradicación e valorización de residuos da zona costeira achegando o coñecemento a entidades que traballan con persoas con necesidades especiais. Con esta formación, estas persoas, serán capaces de revalorizar os residuos recollidos na zona costeira.

A Asociación de Mulleres do Sector Pesqueiro, SEO Fisterra Ría de Muros-Noia, e a Asociación Adisbismur promoven o proxecto medioambiental de asesoramento e formación en materiais plásticos no marco do proxecto centro para a transformación do lixo marítimo. O equipo de traballo dirixido pola investigadora e profesora de Física e Ciencias da Terra da Universidade da Coruña, Ana Isabel Ares Pernas, encárgase de levar a cabo as actuacións de: formación, identificación e separación de plásticos, recomendacións de uso do material reciclado e asesoramento durante todo o proceso de transformación dos resudios mariños. O prazo durante o que se desenvolverán as actividades é de 7 meses.