O Concello de Ferrol acolleu o venres 21 de febreiro unha iniciativa de divulgación científica que ten por título "Biblioteca humana: coñece ás investigadoras e tecnólogas que traballan en Ferrolterra", no que participaron o colectivo de mulleres integrado por Lucía Santiago Caamaño, coordinadora da actividade e doutora pola Universidade da Coruña  –UDC– no programa de Enxeñaría Naval e Industrial; María Jesús Movilla Fernández, doutora pola UDC en Ciencias Sociosanitarias; Asunción López Arranz, doutora en Dereito; Ana Ares Pernas, doutora pola UDC en Ciencia e Tecnoloxía de Polímeros; Laura Castro Santos, doutora pola UDC en Enxeñaría Naval e Industrial; Laura Alonso García, enxeñeira naval e oceánica pola UDC e Ana Jesús López Díaz, doutora en Física. 

O Grupo Integrado de Enxeñería do Campus de Ferrol participa en tres proxectos enerxéticos internacionais. Aowinde, Flores e Shorewinner son as tres iniciativas nas que está implicado o GII, unha unidade de investigadores con 25 anos de experiencia e 43 profesionais que foi fundada no Campus Industrial de Ferrol e que coordina o catedrático do Departamento de Ciencias da Computación e Tecnoloxías da Información Richard Duro. A eólica mariña é unha das ramas ás que se agarra a transición enerxética, un campo de actividade que en Galicia captou a atención dunha vintena de proxectos promovidos por compañías nacionais e internacionais, en distintas fases de tramitación. Le aquí a noticia completa de Quincemil.

O investigador Diego Crespo Pereira, Doutor en Enxeñería Industrial e membro do Grupo Integrado de Enxeñería da UDC, lidera varios proxectos de xemelgo dixital no ámbito da enxeñaría e no ámbito hospitalario. Os traballos, iniciados en decembro de 2024, contan cun orzamento próximo aos 10.000 euros.

A Universidade da Coruña, a través do Grupo Integrado de Enxeñería (GII), colabora con varias entidades para o desenvolvemento de solucións tecnolóxicas en sectores como o Naval, Off-Shore, Enerxía, Servizos Avanzados, Industria ou Loxística. Os traballos promovidos desde o mes de marzo de 2024 inclúen o asesoramento técnico na instalación de eólica flotante cazalote, proxecto liderado por Vicente Díaz Casás, profesor da Escola Politécnica de Enxeñería de Ferrol (EPEF), actividades formativas en flexim e de asistencia técnica en modelado e o desenvolvemento de xemelgo dixital en melaninas, proxectos liderados por Diego Crespo Pereira, profesor da Escola Politécnica de Enxeñería de Ferrol (EPEF). As 3 iniciativas, sumadas ás postas en marcha desde principios de ano e ata marzo do presente ano, supoñen un investimento que rolda os 140.000 euros.

O Salón de Actos Concepción Arenal do Campus de Ferrol acolleu o venres 10 de maio o acto conmemorativo do 25 aniversario do Grupo Integrado de Enxeñería da Universidade da Coruña, un evento no que as empresas, as institucións así como as persoas que o integran tiveron un especial protagonismo e que culminou coa entrega de máis de 30 galardóns. O reitor da Universidade da Coruña, Ricardo Cao, e a vicerreitora do Campus de Ferrol e Responsabilidade Social, Ana Ares, foron os encargados de abrir un acto que reuniu a máis de 100 persoas no campus ferrolán.

Le aquí a noticia completa

Os investigadores Richard Duro Fernández e Diego Crespo Pereira do Grupo Integrado de Enxeñaría da UDC lideran proxectos de I+D+i. Richard Duro, Doutor en Física e Coordinador do Grupo Integrado de Enxeñería, colabora desde xaneiro de 2024 nun proxecto promovido por Navantia Australia, para o deseño de vehículos aéreos de superficie autónomos. Pola súa banda Diego Crespo, Doutor en Enxeñería Industrial e membro do Grupo Integrado de Enxeñería, participa nun proxecto para o estudo do impacto económico social e ambiental da rede de tranvía de Metrotenerife, cuxos traballos se iniciaron en xaneiro de 2024. Os traballos teñen unha duración de 15 e 4 meses respectivamente e contan cun orzamento de 130.000 euros.

CoreMarine e o Grupo Integrado de Enxeñería (GII) da UDC colaboran no asesoramento dun proxecto de enerxía eólica offshore. Os traballos, levados a cabo polo equipo investigador ata decembro de 2024, inclúen traballar na simulación de plataformas flotantes destinadas a enerxía renovable mariña axustadas con código para a dinámica de liñas de fondeo. O proxecto ten unha duración de 12 meses e está liderado por Vicente Díaz Casás, profesor da Escola Politécnica de Enxeñería de Ferrol (EPEF) e membro activo do Grupo de Investigación GII da UDC e ten por obxectivo a elaboración de informes relativos aos resultados de simulación e validación de códigos axustados tipo CFD co código de dinámica de liñas de fondeo MOORDYN.

O investigador Diego Crespo Pereira, Doutor en Enxeñaría Industrial e membro do Grupo Integrado de Enxeñería da UDC lidera proxectos de I+D+i para unha entidade local en materia simulacións e optimización de procesos industriais. Os traballos inclúen o desenvolvemento dun modelo de simulación en Flexsim que sexa capaz de simular o funcionamento dunha planta e do sistema de picking integrado nun almacén, co obxectivo de optimizar o seu funcionamento e mellorar a súa taxa de produción, diminuír tempos mortos, minimizar custos, mellorar a distribución en planta, etc. Os traballos levarán a cabo ata marzo de 2024.

Investigadores do Grupo Integrado de Enxeñaría da UDC participan no proxecto REPERA 2. Os traballos, liderados polo investigador Vicente Díaz Casás, inclúen a realización de simulacións no ámbito da Enxeñaría. Os traballos, levados a cabo entre novembro de 2022 e xuño de 2023, contan cun orzamento de 62.000 euros.

Seaplace o Grupo Integrado de Enxeñaría –GII da UDC colaboran no asesoramento do proxecto Portwind sobre a implementación en FlexSim do proceso produtivo de eólica flotante en Porto. Os traballos, liderados polo investigador Diego Crespo Pereira, inclúen o desenvolvemento do modelo conceptual, o deseño parametrizado do modelo, e a programación do xemelgo dixital de procesos e actualización dos parámetros de rendemento dos diferentes elementos produtivos. Os traballos levaranse a cabo ao longo de 12 meses, ata abril de 2023, e conta cun orzamento de 85.000 euros.

O investigador Vicente Díaz Casás dirixe un proxecto no ámbito da Enxeñaría Naval e Industrial, os traballos incluen a realización de informes técnicos relativos a paneles H1417 e sensores 10A. Para o desenvolvemento dos traballos conta con 14 meses e un orzamento que ascende a 11.000 euros.

O investigador Vicente Díaz Casás da Escola Politécnica Superior e membro do Grupo de Investigación GII da UDC, dirixe un proxecto de asistencia técnica para a simulación e validación experimental no deseño dun dispositivo para a contención de plásticos en ríos. Os traballos deron comezo en outubro e levanse a cabo empleando o modelado e ensaio experimental de barreiras para a súa contención. O proxecto estímase dure 5 meses e para o seu desenvolvemento cóntase cunha achega económica de 45.000 euros.

O investigador Richard Duro da área de Ciencas da Computación e Intelixencia Artificial leva a cabo un proxecto de mellora do proceso de negocio, cuxo orzamento ascende a 3.600 euros e cunha duración de dous meses. Os traballos centránse no desenvolvemento dunha ferramenta que dixitalice e automatice o proceso de negocio existente entre BLUE QUALITY cos seus clientes e proveedores de servizo.

Richard Duro, coordinador do Grupo de Ingeniería Integrada (GII), elexido pola empresa Blue Quality para dirixir o seu Plan Anual de Innovación.

A transferencia de coñecemento e a innovación no entorno industrial son a esencia do Grupo Integrado de Ingeniería (GII), un grupo interdisciplinar de investigación aplicada en enxeñaría que, desde a súa creación en 1999, emprázase no Campus de Ferrol da Universidade da Coruña.