Categorías
Grupos de investigación
Buscador
O director do grupo de investigación MEDIALAB da Universidade Carlos III de Madrid falará sobre a desinformación, saúde e redes sociais na Universidade da Coruña
04/10/2022
A Cátedra Vegalsa Eroski UDC de Compromiso Social, Comunicación e Reputación Corporativa organiza en colaboración coa Facultade de Fisioterapia da UDC dentro do programa de actividades de VIII Outubro Saudable a conferencia "Desinformación, redes sociales y salud: ¿Una problemática sin solución?", que o Director de MEDIALAB, o grupo de investigación UC3M "Analytics, media and public engagement: communication, journalism and technology laboratory", Daniel Catalán, impartirá o vindeiro mercores 26 de outubro, ás 16:30 horas no Salón de Actos da Facultade de Fisioterapia.
O relator durante a sesión, que se impartirá en modalidade mixta, presencial e mediante retransmisión por streaming, falará sobre a desinformación sobre os temas de saúde nas redes sociais.
Se resulta do teu interese, inscríbete aquí, indicando a modalidade escollida (presencial ou streaming). O prazo de inscrición permanecerá aberto ata o 24 de outubro de 2022 ou ata completar aforo.