Categorías
Grupos de investigación
Buscador
Estudantes da Facultade de Economía e Empresa da UDC participarán no 2021 Fall l Fall Global Leadership
20/07/2021
A Cátedra Luis Fernández Somoza concede becas a 17 estudantes matriculados na Facultade de Economía e Empresa da UDC, os cales terán a oportunidade de participar no 2021 Fall l Fall Global Leadership que une a mozas e mozos de todo o mundo.
O programa divídese en dúas partes, na primeira os participantes vivirán a experiencia de simulación da World Federation of United Nation Associations (WFUNA) International Model United Nations (WIMUN) e aprenderán sobre os protocolos que gobernan a diplomacia internacional e colaborarán con outros estudantes nun entorno internacional para construir un consenso sobre un tema real da axenda da ONU. Esta primeira parte será do 30 de agosto ao 19 de setembro de 2021.
A segunda parte do programa dará comezo o 1 de outubro ata o 14 de novembro de 2021, centrándose máis no desenvolvemento persoal de liderado, onde formarán parte da Delegación Multinacional de Cultural Connections na Conferencia Virtual da WIMUN. A superación do programa acreditaráse mediante a expedición dun certificado dixital co logo do WFUNA.