A Cátedra ALDABA-WIB colabora un ano máis na Feira de Prácticas e de Emprego (FePEfic 2024), que organiza a Facultade de Informática da UDC durante os días 23, 24 e 25 de abril e na que colaboran unha vintena de empresas do sector TIC.

Na UDC as rapazas representan xa o 18% das incorporacións, e na UVIGO o 19%. A desigualdade de xénero existente na nosa sociedade non só afecta ao 50% das persoas que a forman, senón que frea o desenvolvemento en todos os ámbitos: económico, cultural, tecnolóxico, …, porque no deseño e a creación de novas obras, produtos e solucións estamos a perder a riqueza intelectual que achega a diversidade de xénero. Conscientes diso, a Universidade da Coruña (UDC) e a Universidade de Vigo (UVigo) puxeron en marcha diversas iniciativas para pór de relevo a existencia dunha fenda de xénero en diferentes ámbitos educativos e profesionais, e tamén medidas para reducilas ou palialas.

O pasado 16/F celebrouse a feira divulgativa eXXperimienta en feminino no Campus de Ourense, que pretende espertar vocacións femininas no campo CTEM (Ciencias, Tecnoloxía, Enxeñería e Matemáticas) realizando cos asistentes experimentos con protagonismo das científicas e tecnólogas do campus. Pola mañá participaron máis de 300 estudantes procedentes de oito centros da provincia de Ourense e arredores. Pola tarde a feira estivo aberta ao público en xeral. 

O pasado venres 19 de febreiro celebrouse nas instalacións do CITEEC os INTERLABS, son pequenos encontros nos que varias persoas, nas etapas iniciais da súa carreira investigadora, expoñen brevemente o seu traballo en diferentes campos relacionados coas áreas extratéxicas da Axenda Científica do CITEEC, fomentando así o coñecemento entre os diferentes grupos e o xurdimento de posibles liñas de investigación interdisciplinares, con gran éxito de participación e asistencia. 

Virginia Mato Abad, informática e codirectora da Cátedra ALDABA-WIB, participa este venres no Citeec nunha xornada de divulgación científica e técnica na que impartirá a charla Abordando a brecha de xénero nas carreiras tecnolóxicas, e con motivo do Día da Muller e a Nena na Ciencia concedeu unha entrevista na Opinión o 14 de febreiro de 2024. 

Os INTERLABS son pequenos encontros nos que varias persoas, nas etapas iniciais da súa carreira investigadora, expoñen brevemente o seu traballo en diferentes campos relacionados coas áreas extratéxicas da Axenda Científica do CITEEC, fomentando así o coñecemento entre os diferentes grupos e o xurdimento de posibles liñas de investigación interdisciplinares.

A directora da Cátedra pola UDC, Virginia Mato, participou o pasado 24 de outubro de 2023 no programa de radio número 321 de "A fume  de Carozo" de Cuac FM sobre Orientación Académica e Profesional sobre Enxeñería Informática e Graos afíns. O programa, que leva emitíndose semanalmente desde o 5 de maio de 2009, está promovido polo Equipo de Dinamización da Lingua Galega do Colexio Calasanz (PP. Escolapios) da Coruña. 

A Cátedra Aldaba-WIB entregou un dos premios do VI Congreso XoveTIC, celebrado o 5 e 6 de outubro no CITIC, que reuniu na cidade a investigadores de Galicia e Portugal. O evento busca dar visibilidade ao talento das novas xeracións de investigadoras e investigadores da área das Tecnoloxías da Información e as Comunicacións.

O pasado venres, 30 de xuño, finalizou a primeira edición do ALDABA-TIC CAMP celebrado de forma simultánea nas instalacións da Facultade de Informática da Universidade da Coruña no campus de Elviña e na Escola de Enxeñaría Informática da Universidade de Vigo no campus de Ourense.

Este luns arrancou simultaneamente na Escola Superior de Enxeñaría Informática do campus de Ourense e na Facultade de Informática do campus da Coruña o campamento de verán Aldaba-TIC Camp, destinado a fomentar as vocacións STEM e contribuír á igualdade de xénero neste eido. En cada una das cidades participa nesta iniciativa 36 nenas e nenos de 6 a 12 anos, o 80% mulleres.

A directora da Cátedra pola UDC, Virginia Mato, participou o pasado 21 de xuño no acto de clausura do programa Inspira STEAM Coruña 2023 celebrado no CITIC. O programa educativo Inspira STEAM, promovido pola Universidade de Deusto e coordinado na Coruña pola investigadora Verónica Bolón, ten como obxectivo fomentar as vocacións científico-tecnolóxicas entre os estudantes, especialmente entre as nenas. 

O campamento Aldaba-TIC Camp, destinado a nenas e nenos entre os 6 e os 12 anos, desenvolverase nos campus de Ourense e A Coruña na última semana de xuño (do 26 a 30) en horario de 9 a 14 horas, con servizos opcionais de comedor. Será impartido por monitoras y monitores de PlayCodeAcademy e contará coa participación das investigadoras Patricia Concheiro e Carmen Miranda (UDC) e Lorena Otero e María Encarnación González (UVigo). 

A Cátedra Interuniversitaria ALDABA-WIB (Women, ICT & Business), consciente de que a etapa de bacharelato é crucial para o desenvolvemento vocacional, está a impartir entre marzo e maio charlas en varios colexios de Ourense, A Coruña e arredores.
 

A Cátedra ALDABA-WIB colaborou un ano máis na Feira de Prácticas e de Emprego que organiza a Facultade de Informática da UDC, un evento destinado ao alumnado que o próximo curso académico realizarán prácticas curriculares en empresas.

A Universidade da Coruña organiza o martes 7 de marzo un coloquio sobre o traballo das mulleres no ámbito tecnolóxico para celebrar o Día Internacional da Muller, seguindo o tema das Nacións Unidas “Por un mundo digital inclusivo: innovación y tecnología para la igualdad de género”. 

Un total de 300 orientadores de centros de bacharelato e de ciclos formativos de Galicia asistirán á xornada informativa da Universidade da Coruña, que terá lugar o xoves 16 de febreiro, no Centro de Investigación en Tecnoloxías da Información e as Comunicacións (CITIC) da UDC. A reunión está organizada desde a Vicerreitoría de Estudantes, Participación e Empregabilidade da Universidade da Coruña en formato híbrido (presencial e virtual) e co persoal dos departamentos de bacharelato e ciclos formativos de grao superior de Galicia.

O instituto Ramón Menéndez Pidal de Zalaeta conmemora o Día Internacional da Muller e a Nena na Ciencia e na Tecnoloxía cun ciclo de chalas para o alumnado. O ciclo conta con profesionais de referencia, especialmente no ámbito universitario e investigador, entre as que se atopa a directora da Cátedra ALDABA WIB, Virginia Mato Abad, quen impartirá o martes 14 de febreiro unha charla sobre enxeñaría informática, contribuindo así a dar visibilidade ás aportacións das mulleres no eido das TIC, xerar referentes e despertar o interese das nenas e rapazas nas carreiras tecnolóxicas.

Virginia Mato Abad, informática e codirectora da Cátedra ALDABA-WIB, compartiu na entrevista da Voz de Galicia o 26 de decembro de 2022 o que está ocorrendo coa presenza das mulleres nas titulacións da área TIC. Na entrevista destacou que «Tenemos que evitar que las mujeres queden al margen de este progreso».

A Reitoría acolleu esta mañá a presentación do Barómetro da fenda de xénero nos estudos TIC (Tecnoloxías da Información e as Comunicacións) desenvolvida pola Cátedra ALDABA-WIB (Women, ICT & Business) das universidades da Coruña e Vigo, nun acto presidido polos reitores Julio Abalde, UDC, e Manuel Reigosa, UVigo; xunto o socio-director de ALDABA, Enrique Fernández; as codirectoras da Cátedra, Virginia Mato, pola UDC, e Alma Mª Gómez, pola UVigo; a directora da área de Igualdade da UVigo, Águeda Gómez; e a vicerreitora de Igualdade, Cultura e Deporte da UDC, Cristina López.

Na reportaxe participaron dez docentes da Facultade de Informática da Universidade da Coruña. Entre estas dez docentes hai unha premio nacional de informática, unha académica da Real Academia de Ciencias Exactas, investigadoras galardoadas con premios como o Ada Byron, unha vicedecana, referentes na súa área de traballo ou creadoras de empresas pioneiras. Darlles visibilidade é un dos retos para captar máis alumnas.

A Facultade de Informática da Universidade da Coruña acolleu do 19 ao 23 de outubro a LVII Asemblea Xeral Ordinaria de RITSI (Reunión de Estudantes de Enxeñerías Técnicas e Superiores en Informática) así como a XI Asemblea Xeral Extraordinaria, eventos que contaron coa colaboración das cátedras Aldaba, NTT Data e Corunet, entre outras entidades.

O Centro de Investigación TIC (CITIC) da Universidade da Coruña acolleu o mercores 5 e xoves 6 de outubro de 2022 a quinta edición do Congreso XoveTIC, destinado a persoal investigador junior para presentar as súas comunicacións no ámbito das tecnoloxías da Información e as Comunicacións (TIC).

Julio Abalde, reitor da Universidade da Coruña, e Manuel Reigosa, reitor da Universidade de Vigo, asinan a renovación do convenio da Cátedra Aldaba Wib: Women, ICT & Business co responsable da empresa, Enrique Fernández. A Cátedra ten como obxectivo organizar actividades divulgativas nos centros de Secundaria para fomentar as vocacións TIC, sobre todo no ámbito da enxeñaría informática. 

Estos premios recoñecen os mellores traballos de fin de grao (TFG) presentados no curso 2020/2021. A presentación dos traballos dos mellores TFG presentados á convocatoria e o fallo do xurado, formado polas entidades Aldaba, Corunet e NTT DATA das cátedras institucionais Aldaba-WIB, Corunet e NTT Data, tivo lugar o martes 5 de abril na celebración da Feira de Emprego e Prácticas da Facultade de Informática da UDC. 

A entrega de premios terá lugar durante celebración da Feira de Prácticas e de Emprego, terá lugar o vindeiro 5 de abril na Facultade de Informática da UDC. 

Tras o encontro celebrado en A Coruña, a Cátedra ALDABA WIB organiza unha xornada entre estudantes na Escola Superior de Enxeñaría Informática da UVigo previsto para o vindeiro 8 de marzo.

Coincidindo co Día Internacional da Muller e a Nena na Ciencia (11 de febreiro) a facultade de Informática de A Coruña e o MUNCYT organizan unhas charlas online impartidas por mulleres que dedicadas a profesións tecnolóxicas. Desde a Cátedra participamos cunha charla dunha das profesionais de ALDABA, Gema Vázquez. 

O proxecto inclúe unha axuda económica de formación na materia que, nesta primeira edición, foi concedida ao estudante Alberto Irigoyen Mallo.

O Centro de Investigación TIC (CITIC) da Universidade da Coruña acolleu o xoves 7 e venres 8 de outubro de 2021 a cuarta edición do Congreso XoveTIC, destinado a persoal investigador junior para presentar as súas comunicacións no ámbito das tecnoloxías da Información e as Comunicacións (as TIC).