Categorías
Grupos de investigación
Buscador
A UDC impulsa proxectos para a promoción e desenvolvemento de políticas públicas no marco da transformación dixital
23/01/2025
O grupo de investigación Democracia e Dereitos na Contorna Dixital (DDD) da Universidade da Coruña, en colaboración coa Consultoría Tirant O Blanch, colaboran nun proxecto de asesoramento no proceso de implementación da Carta Iberoamericana de Principios e Dereitos en Contornas Dixitais (CIPDED). Os traballos, liderados por Ana María Aba Catoira, profesora da Faculdad de Dereito e membro activo do grupo de investigación, a desenvolver entre outubro de 2024 e setembro de 2025, teñen por obxectivo fortalecer o marco de dereitos dixitais en Iberoamérica, asegurando que a dixitalización se realice de maneira ética e responsable, en liña cos principios establecidos na carta.