O proxecto, liderado polo Dr. Óscar Álvarez-Calderón Iglesias, profesor da Facultade de Ciencias da Saúde e membro do grupo de investigación Saúde e Podoloxía (GISAP) da UDC, inclúe a realización de tarefas de consultoría e asesoramento, así como a realización de diversas actividades de promoción da saúde no ámbito da Otorrinolaringoloxía, tales como charlas, coloquios, conferencias e campañas de saúde por un período de 12 meses.

O grupo de investigación Saúde e Podoloxía recibe encargos para o desenvolvemento de proxectos de I+D relativo ás Ciencias Médicas. O proxecto está coordinado polo profesor Dr. Luis López López da Facultade de Enfermería e Podoloxía e coordinador do grupo de investigación Saúde e Podoloxía (GISAP), consiste na prestación de asesoramento técnico na biomecánica, cirurxía e disección anatómica do pé, por un período de 2 anos. Os traballos, iniciados en novembro de 2023, inclúen a valoración dos casos e supervisión e tutorización dos procedementos.  

O profesor da Facultade de Ciencias da Saúde e médico especializado en otorrinolaringoloxía, Óscar Álvarez-Calderón Iglesias, recibe encargos para a realización dun estudio de "Valoración do impacto da patoloxia na área ORL en calidade de vida e funcionalidade dos pacientes" que a padecen e un "Proxecto de actividades para a promoción da saúde no ámbito da otorrinolaringoloxía". O prazo durante o que desenvolverá os traballos será dun ano.