Os investigadores Margarita Novales Ordax e Alfonso Orro Arcay, coordinadora e membro do grupo de investigación de Ferrocarrís e Transportes da UDC (FERROTRANS), participan desde abril de 2025 nun proxecto de asistencia técnica para o deseño do sistema de transporte público urbano na Coruña. Os traballos céntranse no estudo baseado en estimacións precisas de patróns de orixe-destino e o asesoramento no deseño do sistema de transporte en autobús, co obxectivo de contribuír ao desenvolvemento dun modelo de transporte máis eficiente e adaptado ás necesidades dos cidadáns, contribuíndo non só á mellor xestión dos recursos, mellorar a experiencia do usuario e fomentar un uso máis sostible do transporte público. O proxecto ten unha duración de 9 meses.

Os investigadores Margarita Novales Ordax e Alfonso Orro Arcay, coordinadora e membro do grupo de investigación de Ferrocarrís e Transportes da UDC (FERROTRANS), dirixen un proxecto desde xullo de 2024 para a redacción do informe “Nova Mobilidade de Galicia”. Os traballos inclúen a realización de estudos da situación actual e tendencias de futuro, así como solucións para a mobilidade do longo percorrido (incluíndo transporte privado, autobús, ferrocarril convencional e de alta velocidade, aéreo…). O proxecto ten unha duración de 1 ano e conta cun orzamento de 18.000 euros.  

Os investigadores Margarita Novales Ordax e Alfonso Orro Arcay, coordinadora e membro do grupo de investigación de Ferrocarrís e Transportes da UDC (FERROTRANS), dirixen un proxecto sobre mobilidade sustentable e planificación do transporte público da Cidade da Coruña. Os traballos inclúen a realización de estudos sobre melloras de sistemas de transporte público da cidade, análise dos estudos e diferentes propostas de mellora. O proxecto ten unha duración de 2 meses e conta cun orzamento de 18.000 euros. 

O investigador Miguel Rodríguez Bugarín de Enxeñaría Civil dirixe os traballos obxecto do estudio da conectividade ferroviaria á terminal de Bouzas. Encargarase de analizar os aspectos que resulten máis importantes e decisivos relacionados coa conexión arredor do porto de Vigo e a rede ferroviaria da Unión Europea, tanto desde o punto de vista das infraestruturas como dos servizos ferroviarios de mercancías a desenvolver. Concluindo os traballos coa presentación dun informe no que se expoñan e desenvolvan argumentos técnicos que promovan a contrución dun acceso ferroviario á zona portuaria de Bouzas, en particular para conectar a terminal portuaria de transbordadores coa rede ferroviaria de interese xeral (RFIG).

O investigador Miguel Rodríguez Bugarín coordinará os traballos obxecto do estudo dos elementos para a definición dunha estratexia ferroviaria para a Autoridade Portuaria de A Coruña. Desde finais de outubro de 2021 e ata febreiro de 2022 o investigador encargarase de analizar os aspectos que, nos próximos anos, resulten máis importantes e decisivos relacionados coa conexión do Porto de A Coruña e á rede ferroviaria nacional e europea. O orzamento do proxecto ascence 14.000 euros.