O investigador Antonio Vila Sanjurjo, da Facultade de Ciencias da UDC e membro activo do grupo de investigación en biología evolutiva (GIBE), adscrito ao CICA, aborda o proxecto biorem, unha iniciativa desenvolvida polo centro tecnolóxico da agrupación industrial da acuicultura (cetga) en colaboración coa UDC, cun investimento de case 100.000 euros e unha duración de 22 meses. O proxecto, posto en marcha en xaneiro de 2025, busca implementar solucións biotecnolóxicas innovadoras para mellorar a resiliencia da ameixa japónica e o berberecho fronte a episodios de baixa salinidade derivados de factores  climáticos extremos. 

O grupo de investigación en bioloxía evolutiva (GIBE) da UDC desenvolve proxectos no ámbito da xenética de poboacións e evolutiva. Os traballos, desenvoltos entre novembro e decembro de 2024, inclúen o desenvolvemento dun estudo para a identificación de lepidópteros nocturnos e as súas plantas nutricias, baixo a dirección de Marta Vila Taboada, profesora na Facultade de Ciencias da UDC e coordinadora do grupo de investigación e o asesoramento no estudo de amebiosis en peixes planos, baixo a dirección de Natalia Mallo Seijas, investigadora no Centro Interdisciplinar de Química e Bioloxía (CICA) e membro activo do grupo de investigación.

O grupo de investigación en bioloxía evolutiva (GIBE) da UDC recibe encargos para proxectos de I+D na área da botánica e a xenética. Os proxectos, un coordinado polo profesor Andrés Martínez Lage da Facultade de Ciencias por un período de dous anos, cuxos traballos están centrados na obtención de metafases para un estudo citogenético, iniciados en novembro de 2022 e un segundo proxecto coordinado polo profesor Manuel Pimentel Pereira da Facultade de Ciencias por un período de 1 ano, consistente na análise e caracterización da diversidade xenética dos lúpulos silvestres de Galicia, traballos iniciados en outubro de 2023.

O investigador Federico Pomar do Departamento de Bioloxía dirixirá o Proxecto Algaterra, impulsado pola entidade Porto Muiños. El proxecto analizará a presenza de fitohormonas en mostras liofilizadas de algas mariñas de Galicia, co fin de elaborar novos insumos agrícolas para a mellora de cultivos ecolóxicos. Os traballos que deron comezo en outubro de 2021 rematarán en setembro de 2023.