Categorías
Grupos de investigación
Buscador
A Universidade da Coruña participa no proxecto europeo COVER para abordar retos urbanos mediante a optimización combinatoria
10/09/2025
Un consorcio internacional de universidades e outras entidades non académicas traballa conxuntamente para mellorar a calidade de vida nas cidades a través da modelización matemática e a cooperación intersectorial. A Universidade da Coruña, a través das investigadoras María José Souto Salorio, catedrática do Departamento de Ciencias da Computación e Tecnoloxías da Información; María José Pereira Sáez, docente do Departamento de Economía; e María González Taboada, do Departamento de Matemáticas; participa activamente na definición dos modelos que se están a desenvolver actualmente nos diferentes grupos de traballo. O proxecto COVER ten como obxectivo principal propoñer solucións innovadoras a problemas urbanos actuais mediante o uso de ferramentas avanzadas de optimización matemática, para o concepto da cidade de 15 minutos e conta cunha financiación de cunha financiación de 395.600 euros da European Research Executive Agency. Esta iniciativa conta cunha duración de 36 meses, entre xaneiro de 2025 e decembro de 2027 [Ligazón á noticia completa da UDC].