Categorías
Grupos de investigación
Buscador
O grupo Videolab/Cartolab da Universidade da Coruña está a liderar proxectos de dixitalización do patrimonio histórico
21/05/2025
Baixo a dirección do profesor Luis Hernández Ibáñez, o grupo de investigación sobre Visualización Avanzada e Cartografía (Videalab/Cartolab) da UDC, atópase inmerso nun proxecto que busca desenvolver estratexias e procedementos de visualización e extracción de datos utilizando motores gráficos 3D no campo da arqueoloxía virtual.
O obxectivo principal deste proxecto é analizar diferentes alternativas de representación de resultados obtidos previamente a través de paquetes de cálculo de mecánica de fluídos. Estas análises aplicaranse a modelos que reproducen edificios históricos, os cales serán xerados mediante técnicas avanzadas de modelado sólido. Para a súa visualización en tempo real, empregaranse motores gráficos 3D de última xeración, enriquecendo así o campo da arqueoloxía virtual e promovendo un maior coñecemento e conservación do patrimonio histórico. O prazo de execución dos traballos é de 8 meses e conta cun orzamento de 18.000 euros.