Categorías
Grupos de investigación
Buscador
Investigadores do Centro de Investigacións Científicas Avanzadas da UDC lideran proxectos en materia de hidroloxía
05/02/2025
O grupo de investigación AQUATERRA avanza nos traballos da quinta fase do estudo de Hidroxeoloxía e modelos de balance hidrolóxico, modelos de fluxo subterráneo e transporte de contaminantes nos emprazamentos afectados por INQUINOSA, en Sabiñánigo (Huesca), co obxectivo de mellorar a xestión de contaminantes e protexer os recursos hídricos na zona afectada.
O Catedrático de Hidráulica e Hidrología da área de Enxeñería do terreo, Francisco Javier Samper Calvete, será o responsable de dirixir os traballos levados a cabo polo equipo de investigación. Os traballos, iniciados no mes de decembro de 2024, inclúen: a actualización dos modelos de fluxo e transporte desenvolvidos previamente, cuantificación do fluxo dos contaminantes, así como o desenvolvemento de modelos numéricos dos ensaios hidráulicos e de trazadores. O proxecto ten unha duración de 20 meses e conta cun investimento aproximado de 35.000 euros.