Categorías
Grupos de investigación
Buscador
A Universidade da Coruña renova a súa colaboración con GEFICO en proxectos do ámbito da enxeñería e a tecnoloxía
O grupo de investigación de Enxeñería Enerxética (INGEN), baixo a dirección do profesor Álvaro Baaliña Insua, leva a cabo labores de asesoramento en investigación e innovación de equipos e tecnoloxías máis eficientes e versátiles en xeración de auga doce, depuración de fluídos e en procesos de fluxo e transferencia de calor combinados, por un período de 4 anos.
Os traballos, iniciados en agosto de 2024, teñen por obxectivo a implementación de liñas de mellora de equipos vinculados á área, o desenvolvemento de novos procesos e equipos destinados á xestión de efluentes industriais e orientados especificamente á valorización dos mesmos, o redeseño e optimización de equipos implicados en procesos combinados de transferencia de calor e materia e desenvolvemento de procedementos de simulación numérica e de validación dos resultados obtidos. O proxecto supón un investimento de 85.000 euros.