A colección Comunicación e Axenda 2030, froito da colaboración da Cátedra Vegalsa-Eroski da Universidade da Coruña e Editorial UOC, xa conta co seu primeiro libro dispoñible “Hacia la igualdad de géneros. Comunicación para el empoderamiento femenino” das autoras Inmaculada Postigo Gómez e Malely Linares Sánchez (coordinadoras). 

Este é o primeiro dos 17 títulos da colección, no que cada exemplar estará dedicado a un Obxectivo de Desenvolvemento Sostible (ODS), combinando rigor científico e capacidade de divulgación no estudo da achega da Comunicación á consecución dos ODS. 

“Se trata de un libro colectivo que reúne las miradas de investigadoras de España y Latinoamérica, poniendo el foco en diferentes perspectivas metodológicas en materia de género y en una pluralidad de experiencias situadas desde la comunicación feminista”, comenta  a coordinadora deste primeiro exemplar, Inmaculada Postigo Gómez, decana da Facultade de Ciencias da Comunicación da Universidade de Málaga, quen continúa explicando que  “a partir de ellas, nos invita a construir sociedades más justas e igualitarias, y que promuevan el uso de las tecnologías de la información y la comunicación (TIC) y las comunicaciones como aliadas estratégicas en la reivindicación de los derechos de las mujeres y en su empoderamiento.”

Para a directora de Comunicación 2030 e da Cátedra Vegalsa-Eroski UDC, Carmen Costa, “esta colección llega en un momento muy oportuno, ya que estamos hablando de transición ecológica y digital, de nuevos modelos de consumo y de relación con los ecosistemas y tras una pandemia global, actualizar el conocimiento en relación con la Agenda, darle protagonismo y animar a la creación de alianzas a través de esta Colección creo que será su mejor aportación al panorama editorial y social. El mercado editorial no debe mantenerse al margen de las necesidades y retos de la sociedad.”

Presentación institucional 

O Salón de Graos da Facultade de Ciencias da Comunicación da Universidade da Coruña (UDC) acolleu esta mañá o acto de presentación institucional deste primeiro libro colectivo, contando coa participación da vicerreitora de Responsabilidade Social da UDC, Ana Isabel Ares; o catedrático de Xornalismo na Universidade de Santiago de Compostela (USC) e membro do comité científico da colección, Miguel Túñez; a directora de Sustentabilidade e Comunicación de Vegalsa-Eroski, Gabriela González; a directora da Cátedra UDC – Vegalsa-Eroski, Carmen Costa, e a autora do primeiro exemplar, Inmaculada Postigo.  

Ao termo da presentación, celebrouse unha mesa de debate para profundar nas igualdades e desigualdades de xénero no sector da comunicación de man da xornalista e vogal do Colexio Profesional de Xornalistas de Galicia, Ana Liste; Inmaculada Postigo; a xornalista, guionista, documentalista e directora de cinema e produtora, Paula Cons; e a experta en estudos de Comunicación de Xénero da USC, Marta Pérez. 

“Hacia la igualdad de géneros. Comunicación para el empoderamiento femenino” atópase xa dispoñible para a a súa adquisición na páxina web oficial da editorial UOC.

Sobre a Cátedra Vegalsa-Eroski UDC
A Cátedra Vegalsa-Eroski de Compromiso Social, Comunicación y Reputación Corporativa naceu co obxectivo de contribuír ao benestar e á mellora da nosa sociedade a través de actividades de educación e divulgación, de investigación e de aplicación do coñecemento.

A idea é poder facilitar á comunidade universitaria e á sociedade en xeral unha visión integral sobre a importancia da comunicación á hora de impulsar hábitos de vida saudables e conciencia ambiental, favorecendo á súa vez un consumo consciente e sostible. Para logralo priorizaranse as accións en catro liñas de actuación fundamentais: investigación, transferencia, formación e accións de tipo relacional e de proxección social, achegando Vegalsa-Eroski unha dotación anual de 20.000 euros para a súa consecución.

Editorial UOC
Editorial UOC publica manuais universitarios, libros de divulgación e libros de ensaio e investigación con gran presenza temática da comunicación. É a primeira editorial universitaria española na clasificación de prestixio editorial SPI 2022 e mantén vivo un catálogo de 4.000 títulos en formato impreso e dixital.

Sobre Vegalsa-Eroski
Vegalsa-Eroski conta en Galicia, Asturias e Castela e León con 286 establecementos entre propios e franquiados baixo as marcas comerciais hipermercados e gasolineiras Eroski, Eroski Center, Autoservizos Familia, Cash Record, Eroski City, Aliprox e Eroski Rapid. A súa estrutura comercial en Galicia esténdese polas 4 provincias galegas e conta cunha moderna plataforma de mercadorías xerais, situada en Sigüeiro, A Coruña, dotada con tecnoloxías loxísticas de última xeración, ademais das plataformas de produtos frescos da Coruña e centros de redistribución en Vigo e Ourense.