Categorías
Grupos de investigación
Buscador
Investigadores do CICA da Universidade da Coruña participan en proxectos de I+D en biodiversidade no medio rural
28/10/2024
Os profesores Rodolfo Barreiro Lozano, coordinador do grupo de investigación BIOCOST e Jaime Fagundez Díaz, membro activo do grupo de investigación BIOCOST, ambos os profesores da Facultade de Ciencias da UDC, lideran 5 proxectos de I+D en biodiversidade no medio rural durante os meses de xaneiro a xullo de 2024, cun investimento próximo aos 47.000 euros.
Os traballos inclúen proxectos para realización de estudos e seguimentos da presenza e estado de conservación de habitats de interese comunitario (HICs) en diferentes áreas de estudo, co obxectivo de estudar o estado de conservación de plantas raras ou ameazadas e elaboración de cartografía; asesoramento na elaboración do Peer Review para a mellora da estratexia en materia de bosques urbanos en Zagreb no marco do proxecto GIFT (Green Infraestruture for forest and trees) e a realización de xornadas e actividades que inclúan a participación de visitantes e escolares nas actuacións do seguimento do estado de conservación dos bosques de kelp Laminaria ochroleuca, no ámbito do Parque Nacional e zonas contiguas para o ano 2024.