Categorías
Grupos de investigación
Buscador
A UDC aborda a segunda fase do proxecto de investigación de arrecife artificial cun orzamento de 100.000 euros
02/02/2021
O coordinador do Grupo de Enxeñería Mixto da Universidade da Coruña, Luis Carral Couce, dirixe como investigador principal a segunda fase do proxecto de arrecife artificial PROARR, no que participan outros dez investigadores da UDC e dous da USC.
A iniciativa, financiada polas consellerías de Medio Ambiente e do Mar da Xunta de Galicia cun orzamento que ascende a 100.000 euros, incide en aspectos de deseño insuficientemente tratados na primeira fase do proxecto, a sustitución de materiais e a mellora na sustentabilidade dos procesos en relación ao cambio climático e ás necesidades enerxéticas.
Áreas temáticas
Cun tempo de execución aproximado de doce meses (entre xullo de 2020 e xuño de 2021), o convenio entre a Xunta e a Universidade da Coruña inclúe catorce paquetes de traballo entre os que se atopan actividades relacionadas con aspectos de hidrodinámica, bioloxía, medio ambiente, materiais e loxística, produción e cadea de suministro.