O investigador Feliciano Fraguela Díaz, da Escola Superior de Náutica e Máquinas da Universidade da Coruña, lidera un proxecto para o asesoramento en servizos técnicos e científicos do ámbito naval. Os traballos, iniciados en febreiro de 2024, teñen por obxectivo a optimización do mantemento naval e industrial mediante a análise de indicadores e parámetros co obxectivo da redución de custos, redución e mellor anticipación de avarías e incremento da vida útil dos equipos. O proxecto ten unha duración dun ano e conta cun orzamento de 22.000 euros.