Categorías
Grupos de investigación
Buscador
A Cátedra Luis Fernández Somoza concede axudas de mobilidade internacional a estudantes da Facultade de Economía e Empresa da UDC no curso 2023-24
19/02/2024
A Cátedra Luis Fernández Somoza, financiada pola empresa Cartesón, acaba de conceder 18 bolsas de formación por valor 10.000 euros para a mobilidade internacional de estudantes da Facultade de Economía e Empresa da Universidade da Coruña. Estas bolsas están dirixidas ao estudantado que está a cursar graos únicos universitarios ou programas de dobre titulación (graos universitarios) e que participan en programas de mobilidade Erasmus ou internacional de fins de estudo durante o curso académico 2023-2024, Erasmus+ ou Bilaterais SM, distribuidos entre diferentes países de Europa, Medio Oriente e Asia Oriental.
O obxectivo da convocatoria é impulsar a formación académica e o intercambio de coñecementos entre persoas dos países participantes, apoiando a mellora das capacidades lingüísticas, o coñecemento doutras culturas e o enriquecemento dos itinerarios curriculares.
Segundo se indicou nas bases da convocatoria, as estancias poden ser dun cuadrimestre ou estancias anuais, de 500 euros e 1.000 euros respectivamente, e son compatibles e complementarias con outras bolsas que o/a beneficiario/a puidese obter ou ter obtido para a mesma estancia.
A resolución pode consultarse en https://www.fundacion.udc.es/catedra-fernandez-somoza-udc/