Categorías
Grupos de investigación
Buscador
As profesoras Laura Castro Santos e Almudena Filgueira Vizoso, ambas as profesoras titulares de universidade da Escola Politécnica de Enxeñaría de Ferrol (EPEF), pertencentes ao Campus Industrial de Ferrol lideran o proxecto SEASUN para a Caracterización dun software para determinar a folla de roteiro da enerxía solar mariña na costa español, co obxectivo de planificar as localizacións da enerxía solar mariña en España en termos da súa viabilidade económica e estratéxica.
A ferramenta creada establecerá as zonas máis adecuadas onde instalar enerxía solar mariña en España (Mar Mediterráneo, Océano Atlántico e Mar Cantábrico) e cales son as mellores tecnoloxías para cada zona. Este software poderase combinar con traballos previos en enerxía eólica mariña e enerxía con sistemas híbridos xa desenvoltos polas profesoras en estudos de investigación previos, proporcionando así unha ferramenta completa para futuras decisións enerxéticas en todo o territorio español.