Maripaz Mateo Orenes, doutora en Química pola Universidade de Málaga e profesora titular da Escola Politécnica Superior de Enxeñería de Ferrol da UDC, é a directora da Cátedra Epifanio Campo. Compartiu na entrevista de La Voz de Galicia, o 26 de novembro de 2023, as principais liñas de actuación que marcaron o funcionamento da Cátedra Epifanio Campo desde o seu nacemento e os seus proxectos de futuro.
Na entrevista falou sobre as liñas de actuación da cátedra e a súa relación entre o mundo empresarial e o académico, o acto de entrega dos II Premios de Investigación Epifanio Campo, e dos proxectos máis inmediatos, destacando que «Vamos a poner en marcha un centro de interpretación de residuos industriales» e subliñou tamén a importancia de fomentar a «sustentabilidad ambiental».
O acto de entrega dos premios de investigación terá lugar o próximo 1 de decembro no Parador de Turismo de Ferrol, acto ao que asistirán, entre outros, o alcalde de Ferrol, #José Manuel Rey Varela; a conselleira de Economía, María Jesús Lorenzana; o reitor da Universidade da Coruña, Julio Abalde; e o conselleiro delegado do grupo Rodonita, Jacobo Campo.