Categorías
Grupos de investigación
Buscador
O alumnado dos Graos de Enxeñaría Mecánica e Enxeñaría en Tecnoloxías Industriais da UDC visita as instalacións da planta de tratamento de residuos industriais de Sogarisa nas Somozas
03/11/2023
O alumnado de Enxeñaría Ambiental (Graos en Enxeñaría Mecánica e en Enxeñaría en Tecnoloxías Industriais), impartidos na Escola Politécnica de Enxeñaría de Ferrol do Campus Industrial de Ferrol da Universidade da Coruña, visitou a semana pasada as instalacións de Sogarisa nas Somozas.
Durante a visita guiada, os estudantes estiveron nas distintas plantas da área 1, onde leva a cabo o tratamento máis de 150.000 t/ano de residuos industriais perigosos de todo o país, así como nos depósitos de seguridade da área 2.
A promoción destas visitas técnicas e didácticas dos estudantes da UDC á empresa Sogarisa forma parte das actividades de formación e divulgación desenvolvidas pola Cátedra Epifanio Campo para o fomento do intercambio de experiencias nos campos da docencia, a investigación e a divulgación científica entre o Grupo Rodonita e a Universidade da Coruña.