Categorías
Grupos de investigación
Buscador
A UDC está a realizar un estudo documental do patrimonio arquitectónico do Porto da Coruña
02/11/2023
Os profesores Fernando Agrasar Quiroga e Antonio Santiago Río Vázquez do Departamento de Proxectos Arquitectónicos, Urbanismo e Composición da Universidade da Coruña colaboran coa Autoridade Portuaria da Coruña na realización dun estudo documental do patrimonio arquitectónico do Porto da Coruña.
O proxecto ten como obxectivos principais documentar o conxunto do patrimonio arquitectónico do Porto, estimar o seu estado de conservación e analizar razoadamente o seu valor. A arquitectura industrial considerada para este estudo inclúe tanto os edificios portuarios como as construcións auxiliares, elementos de urbanización, maquinaria, bens mobles e pezas artísticas integradas nesas construcións. O estudo patrimonial referirase a todos os elementos existentes, situándoos no proceso evolutivo dos terreos portuarios e situándoos no seu contexto temporal, para a súa correcta valoración patrimonial.