Categorías
Grupos de investigación
Buscador
Preto de 70 nenos e nenas de entre seis e 16 anos participan ao longo desta semana no Campamento Tecnolóxico de Verán do Campus Industrial de Ferrol
26/06/2023
Preto de 70 nenos e nenas de entre seis e 16 anos participan ao longo desta semana no Campamento Tecnolóxico de Verán que promove o Campus Industrial de Ferrol. Coa axuda e baixo a supervisión do alumnado e profesorado da Escola Universitaria de Deseño Industrial (EUDI) e da Escola Politécnica de Enxeñaría de Ferrol (EPEF) a cativada tratará de resolver do xeito máis rápido e divertido posible diversos desafíos tecnolóxicos vinculados coa robótica, coa impresión 3D, coa programación e o mundo dos videoxogos, coa construción naval, coa electricidade ou mesmo coa mecánica.
A maiores, o programa do Campamento Tecnolóxico de Verán do Campus Industrial de Ferrol ten programadas para a mañá do venres sendas visitas á Canle de Ensaios Hidrodinámicos, ao Laboratorio de Mecánica de Fluídos, ao Laboratorio de Aplicacións Industriais do Láser e ao Laboratorio de Plásticos situados no Centro de Investigacións en Tecnoloxías Navais e Industriais (CITENI). Tamén se achegarán ata o Edifico de Talleres, adscrito á Escola Politécnica de Enxeñaría de Ferrol (EPEF), para coñecer de primeira man o Laboratorio de Enxeñaría Mecánica e o de Robótica.