Categorías
Grupos de investigación
Buscador
Finalizado o segundo curso de deseño e desenvolvemento de xemelgos dixitais da Cátedra Ghenova de Industria 4.0
19/04/2023
A Cátedra Ghenova de Industria 4.0 finalizou a segunda edición do curso de Introdución ao Xemelgo Dixital con AMESIM, impartido por Pedro José Trueba Martínez, Enxeñeiro Informático e Doutor pola Universidade da Coruña e Jaouad Ezzannouny Hakam, Enxeñeiro Naval e Oceánico pola Escola Politécnica Superior de Ferrol.
Doce estudantes puideron beneficiarse deste curso celebrado do 21 de marzo ao 11 de abril na Escola Politécnica de Enxeñaría de Ferrol da UDC (EPEF). Trátase dunha experiencia formativa gratuíta que está dirixida aos alumnos matriculados en 4º curso do grao de Enxeñería Naval ou Enxeñería Industrial, ou en 2º curso do Máster de Enxeñería Industrial ou Enxeñería Naval.
O programa está integrado por tres módulos impartidos durante o mes de abril e maio. Os asistentes aprenderon a desenvolver Dixital Twins con AMESIM, desde a fase do deseño e construción ata a fase operativa do sistema, produto ou servizo. Incluíndo, ademais, aplicacións reais.