A Facultade de Economía e Empresa da Universidade da Coruña acolle mañá a inauguración do curso coa conferencia do presidente da Asociación da Empresa Familiar, Víctor Nogueira, que compartiá cos presentes a súa visión  la inauguración del curso con la conferencia del presidente de la Asociación de Empresa Familiar, Víctor Nogueira, que compartirá con los presentes a súa visión achega do papel da empresa familiar como motor de desenvolvemento.

O acto de apertura do curso, que terá lugar ás 13.00 horas na Aula Magna do centro, será presidido polo vicerreitor de Política Científica, Investigación e Transferencia, Salvador Naya; o decano da Facultade de Economía e Empresa, Manuel Gómez, e a directora da Cátedra de Empresa Familiar da UDC, Berta Rivera.

Sobre a Cátedra de Empresa Familiar da UDC
A Cátedra da Empresa Familiar da Universidade da Coruña naceu en 2005 mediante un convenio de colaboración entre a Universidade e o Instituto de Empresa Familiar, co patrocinio da antiga Caixanova, Inditex e a Asociación Gallega de la Empresa Familiar. Este convenio recoñecía a especial significación e a importancia estratéxica da empresa familiar para a economía e a sociedade española, e de maneira particular, de Galicia. A cátedra foi impulsada  coa finalidade de promover a docencia, a investigación e a transferencia de coñecemento respecto ás características diferenciais das empresas familiares e as distintas problemáticas que afectan a súa xestión e crecemento.