A Cátedra Vegalsa-Eroski UDC de Compromiso Social, Comunicación e Reputación corporativa patrocinará un dos premios á "Mellor experiencia docente 2022" celebrados no marco das VI Xornadas de Innovación Docente.
Contextos Universitarios Transformadores: a innovación como eixo vertebrador da docencia é o título das VI Xornadas de Innovación Docente, organizadas polo CUFIE co apoio e impulso da Vicerreitoría de Planificación Académica e Innovación Docente.
Durante as mesmas, o profesorado da Universidade da Coruña está convidado a presentar en formato vídeo as súas experiencias innovadoras sobre algunas das seguintes liñas temáticas:
Metodoloxías activas en docencia presencial e semipresencial.
Mellora de procesos e instrumentos de avaliación da aprendizaxe.
Titorización e atención ao alumnado.
Uso e aplicación de recursos tecnolóxicos para a mellora da aprendizaxe.
Fomento da responsabilidade social e ambiental universitaria.
Emprendemento e empregabilidade.
Instrumentos e recursos para a mellora da organización e o desempeño docente.
Accións de divulgación e transferencia do coñecemento á sociedade.
Creación de recursos educativos en aberto.
Accións de innovación educativa para a inclusión, a diversidade e a igualdade de xénero.
Proxecto Soka. Música e teatro para a toma de conciencia sobre a violencia escolar. Rocío Chao Fernández, Aurelio Chao Fernández e Francisco C. Rosa Napal
Traballo premiado pola Cátedra Vegalsa-Eroski de Compromiso Social, Comunicación e Reputación Corporativa na 2ª edición dos premios “Mellor experiencia docente”, celebrado no marco das Xornadas de Innovación docente UDC o 20 de maio de 2022.