Conferencia "Orixe e camiño: SanBrandán"

A Cátedra Luis Fernández Somoza para a Internacionalización dos Estudos de Economía e Empresa da UDC organiza o xoves 28 de outubro, ás 12:30 horas no paraninfo da Facultade de Economía e Empresa a conferencia de apertura do curso a cargo do director xeral de Ipasa / SanBrandan, Carlos Martínez Rubinos.

O Decano da Facultade, Manuel Gómez Suárez, e o Director da Cátedra de Internacionalización, Carlos Estevez Mengotti, acompañarán ao relator na súa intervención.

Curriculum Vitae

Carlos Martínez Rubinos é Licenciado en Economía e Empresa, Especializado en Investimento e Financiación, MBA en Dirección e Innovación e en Dirección Internacional de Negocios, Postgraduado Universitario como Experto en Dirección industrial, en Planificación Empresarial, en Auditoría de Contas e en Márketing e Comercialización Internacional.

Ademais de Director Xeral, foi membro do comité de Dirección e Consello de Empresas e Grupos empresariais, e ten colaborado en Comités de Análises, Investimento e Capital Risco. Traballou como Consultor Empresarial e Industrial e de Programas de IGAPE, ICEX, Cámaras de Comercio, Confederación de Empresarios, Universidade, ITG, FEUGA,..

Traballou con emprendedores e Spin-off tecnolóxicas de grupos de investigación universitarios. Foi membro do comité de investimentos de Unirisco (Universidades Galegas) e directivo do Colexio de Economistas, asociacións empresariais e polígono industrial. Colabora como relator especializado en Programas de Formación Empresarial e Universitario.