A profesora Carmen Veiga Barbazán da Facultade de Ciencias e coordinadora do grupo de investigación Bioingeniería Ambiental e Control de Calidade (BIOENGIN) UDC lidera un proxecto de enxeñaría para a determinación do contido de ácidos graxos en mostras de diferente orixe, co obxectivo de axudar a mellorar a produtividade, a economía e o impacto ambiental da produción. Os traballos, iniciados en novembro de 2023, teñen unha duración de 5 anos.
A Cátedra Hijos de Rivera–UDC de Desenvolvemento Sostible continúa co seu compromiso de fomentar a actividade económica competitiva e sostible, neste caso impulsando un proxecto de investigación baseado no aproveitamento dos subprodutos e residuos procedentes da actividade industrial para transformalos, mediante procesos químicos e biolóxicos, noutros produtos de alto valor engadido.