O profesor da Facultade de Informática e membro activo do grupo de investigación de Tecnoloxía Electrónica e Comunicacións (GTEC) da Universidade da Coruña, Oscar Blanco Novoa, colabora en proxectos tecnolóxicos de formación sobre "Internet de las cosas (IoT)". Os traballos, iniciados en xaneiro de 2024, inclúen a organización e impartición de actividades de formación dirixidas a profesionais interesados de perfis diversos, como enxeñeiros/as ou persoal técnico en activo, graduados en enxeñaría ou titulados en formación profesional de grao superior, co obxectivo de mellorar os coñecementos en materia de IoT, en colaboración con Tokio School.  A data prevista de finalización da formación será en xullo de 2024. 

O investigador do Centro de Investigación en Tecnoloxías da Información e as Comunicacións da Universidade da Coruña (CITIC) Luís Castedo vén de ser nomeado presidente da área TIC da Axencia Estatal de Investigación (AEI), organismo público responsable do fomento da investigación científica e técnica en todas as áreas do saber. Esta área, unha das 19 a través das que que a AEI desenvolve a súa actividade, engloba a investigación en procesamento de sinais, sistemas radiantes, subsistemas de radiofrecuencia e comunicacións ópticas.

O equipo de investigación composto por dous membros do Grupo de Tecnoloxía Electrónica e Comunicacións(Gtec) da UDC baixo a dirección do profesor Tiago Manuel Fernández Caramés, levan a cabo actuacións para varios proxectos de desenvolvemento e impartición de cursos sobre "Internet de las cosas (IoT)". Os traballos inclúen a organización e impartición de actividades de formación dirixidas a profesionais interesados de perfis diversos, como enxeñeiros/as ou persoal técnico en activo, graduados en enxeñaría ou titulados en formación profesional de grao superior, co obxectivo de mellorar os coñecementos en materia de IoT, en colaboración con Comunidad Campus e Tokio School. A data prevista de finalización dos cursos será en xuño de 2023.