Categorías
Grupos de investigación
Buscador
José Silveira, presidente da Asociación Galega da Empresa Familiar, participa como padriño no acto de graduación dos másteres da Facultade de Economía e Empresa
02/07/2023
O alumnado dos másteres impartidos na Facultade de Economía e Empresa da UDC recibiron o pasado venres 30 de xuño os diplomas acreditativos da finalización dos seus estudos, nun acto presidido pola decana Carmen Lema.
Entre os egresados atópanse os 30 estudantes do Máster Universitario en Dirección y Administración de Empresas (MUDAE -MBA), no que colabora a Cátedra de Empresa Familiar da UDC, e que no transcurso do acto recibiron as especiais felicitacións de José Silveira, presidente da Asociación Galega da Empresa Familiar, entidade patrocinadora da devandita Cátedra.
Silveira actuou como padriño da nova promoción, mentres que a madriña foi Berta Rivera, directora da Cátedra de Empresa Familiar. As intervencións en representación do alumnado correron a cargo de Rosalía Otero Mayán e Víctor Pérez Noya.
Xunto á nova promoción do MUDAE -MBA, no acto fíxose entrega dos diplomas correspondentes ao mestrado en Banca e Finanzas, así como o Máster Universitario en Contabilidade Superior e Auditoría de Contas (MUCSAC).
