Categorías
Grupos de investigación
Buscador
Amoedo compartirá a problemática dos eólicos nos camiños de Santiago durante a xornada técnica do ICOMOS
10/03/2022
O director da Cátedra de Dereito Local da Universidade da Coruña, Carlos Amoedo Souto, participa na xornada técnica “Xestión e retos do Camiño de Santiago en 2022”, que o Comité Nacional Español do Consello Internacional de Monumentos e Sitios (ICOMOS) organiza o próximo 2 de abril no Auditorio de Galicia de Santiago de Compostela.
A través de catro relatorios e un debate posterior, os participantes poñerán sobre a mesa as diferentes iniciativas e desafíos que caracterizan o panorama actual na xestión do Camiño de Santiago, inscrito na Lista do Patrimonio Mundial desde 1993. Deste xeito, os asistentes -a xornada é de acceso libre e gratuíto- descubrirán tanto os casos de boas prácticas sobre este complexo ben cultural como a xestión, divulgación e tutela das diferentes problemáticas vixentes asociadas.
No seu relatorio, Amoedo disertará sobre “a desprotección dos camiños de Santiago fronte aos parques eólicos” desde a súa experiencia como catedrático de Dereito Administrativo na Universidade da Coruña.
Accede ao programa da xornada aquí.