Categorías
Grupos de investigación
Buscador
A Cátedra Luis Fernández Somoza patrocina o XI Congreso Iberoamericano de Economía do Deporte
01/03/2021
A Cátedra Luis Fernández Somoza para a Internacionalización dos Estudos de Economía e Empresa na Universidade da Coruña financiará a décimo primeira edición do Congreso Iberoamericano de Economía do Deporte, orzanizado anualmente pola Sociedade española de Economía do Deporte (SEED). A cita terá lugar entre o 2 e o 4 de xuño na Facultade de Economía e Empresa sita no Campus de Elviña.
Dirixido a investigadores, académicos, profesionais do sector, estudantes de grao, alumnos de mestrado e doutorado, emprendedores e representantes de empresas relacionadas co sector deportivo, o encontro conta con diversos formatos de inscrición-aberta ata o 30 de abril- que poden consultarse a través da páxina web da undécima edición do Congreso . Según os organizadores, esta nova edición "prestará especial atención ás políticas públicas e regulacións que afectan a diversos ámbitos vinculados co mundo do deporte”.
Os interesados en remitir comunicacións para a súa presentación durante o congreso deberán remitir os seus traballos, os cales responderán a calquera temática no ámbito da Economía do Deporte e da Xestión Deportiva, antes do 19 de marzo seguindo as instruccións recollidas na sección relativa a “envío de comunicacións”.