O pasado 16/F celebrouse a feira divulgativa eXXperimienta en feminino no Campus de Ourense, que pretende espertar vocacións femininas no campo CTEM (Ciencias, Tecnoloxía, Enxeñería e Matemáticas) realizando cos asistentes experimentos con protagonismo das científicas e tecnólogas do campus. Pola mañá participaron máis de 300 estudantes procedentes de oito centros da provincia de Ourense e arredores. Pola tarde a feira estivo aberta ao público en xeral.
A feira contou con 14 postos con actividades científicas de carácter visual e manipulativo nas que se expoñen aspectos relacionados coa investigación realizada nas diferentes áreas CTEM do campus. En particular, os experimentos de informática incluían traballos con gafas de realidade virtual ou programación con Scrach. Tanto a organización xeral da feira, como os experimentos de informática, e contaban coa colaboración da cátedra por medio da profesora Alma Gómez, co-directora da mesma.