A Cátedra ALDABA WIB: Women, ICT & Business organiza uns encontros entre alumnas de diferentes cursos do Grao de Enxeñaria Informática da Universidade da Coruña e da Universidade de Vigo co obxectivo de que compartan as "motivacións e dificultades que se toparon á hora de elexir carreira tecnolóxica”. Estas xornadas enmárcase no proxecto Estudo de indicadores e accións para a mellora da fenda de xénero nos graos de Enxeñaria Informática do Sistema Universitario de Galicia e a primeira xornada tivo lugar na Facultade de Informática do Campus de Elviña da Universidade da Coruña o pasado 23 de febreiro.

“Tradicionalmente, os estudos sobre a brecha de xénero céntranse en analizar as razóns polas que as mulleres non escollen certas carreiras tecnolóxicas, pero consideramos igual de importante saber que motiva a esa pequena porcentaxe de mulleres que si o fan”, explica a directora da Cátedra por parte da Universidade da Coruña, Virginia Mato Abad. Desta forma, engade, “esta información permítenos desenvolver iniciativas que axuden a outras rapazas a facelo mesmo”.

Xeitura, empresa encargada de dinamizar as reunións entre as alumnas e de facilitar a relación entre as estudantes dos primeiros cursos, elaborará próximamente os informes obtidos nos encontros celebrados tanto na facultade de Informática da UDC coma na Escola Superior de Enxeñaría Informática da UVigo previsto para o vindeiro 8 de marzo.