Os profesores da Facultade de Educación Física e Deportiva da Universidade da Coruña e codirectores da Cátedra SXD Galicia Activa, Eliseo Iglesias Soler e Manuel Avelino Giráldez García, falan sobre os beneficios dos adestramentos de pesas para o crecemento en mozos sempre que se fagan baixo a supervisión dun profesional da saúde e individualícense as sesións, no artigo publicado por Quincemil o 24 de setembro de 2024.
Os expertos están preocupados polo sedentarismo en nenos e novos. En España, o 70% dos nenos e adolescentes non fai o exercicio mínimo recomendado, segundo a Sociedade Española de Rehabilitación e Medicina Física.
Ter un estilo de vida activo é crucial para garantir o benestar de mozos e adultos. Por iso a Organización Mundial da Saúde recomenda adestrar polo menos tres días á semana con exercicios aeróbicos de intensidade vigorosa. Isto é, que melloren tanto a calidade ósea como os músculos. Con todo, hai prácticas deportivas que aínda cargan cunha laxa de estereotipos e falsas crenzas. É o caso dos exercicios de forza.