A Facultade de Economía e Empresa celebrará o vindeiro venres 5 de decembro, ás 13:00 horas, a Conferencia Inaugural do Curso 2025-2026. Este ano, a sesión será impartida por María Jesús Lorenzana Somoza, Conselleira de Economía e Industria, quen abordará as relacións entre goberno, empresas e cidadanía como elementos clave para acadar un éxito económico sostido.

A conferencia, titulada "Goberno, empresas e cidadanía: claves do éxito económico", terá lugar no Salón de Actos da FEE e estará financiada pola Cátedra de Internacionalización Luis Fernández Somoza, que apoia cada ano actividades de divulgación e reflexión arredor dos retos da economía global.

A participación é gratuita, sendo a inscrición obrigatoria a través do seguinte enlace [pica aquí]

Con este acto, a Facultade inicia oficialmente o novo curso académico, convidando á comunidade universitaria e ao público interesado a asistir a esta sesión que reunirá visión institucional, análise económica e transferencia de coñecemento.