O pasado venres, 5 de xullo, finalizou a última quenda da segunda edición do ALDABA-TIC CAMP celebrado de forma simultánea nas instalacións da Facultade de Informática da Universidade da Coruña no campus de Elviña e na Escola de Enxeñería Informática da Universidade de Vigo no campus de Ourense.

Esta segunda edición volveu a ser un éxito de participación, as 90 nenas e nenos rexistrados asistiron a esta emocionante ‘Misión ás Profundidades’, unha aventura tecnolóxica e educativa que pretende espertar nas e os máis pequenos o interese polas novas tecnoloxías, o que redundará en fomentar as profesións STEM. Durante a última xornada de cada quenda, entregáronse os diplomas que recoñecen as habilidades adquiridas polos pequenos e pequenas en robótica, programación, deseño e impresión 3D.

No peche da primeira quenda, o pasado 28 de xuño, as nenas e nenos gozaron dunha conexión intercampus entre o CAMP de Ourense e de Coruña na que puideron intercambiar as experiencias e os retos superados ao longo da semana. 

Durante a segunda quenda na Coruña, tamén visitaron a sala de demostracións do CITIC, onde puideron experimentar con realidade virtual e outras tecnoloxías innovadoras.

Máis noticias sobre o ALDABA-TIC Camp en TV e prensa:

• https://www.g24.gal/-/campamentos-de-veran-da-uvigo-e-da-udc-para-fomentar-entre-as-nenas-as-vocacions-informaticas
• https://www.farodevigo.es/ourense/2024/06/29/campamento-tecnologico-rompe-brecha-genero-104503047.html
• https://www.uvigo.gal/universidade/comunicacion/duvi/30-nenas-nenos-mision-cumprida
• https://www.lavozdegalicia.es/noticia/coruna/vivir-coruna/2024/06/29/stem-futuro-manos-ocho-anos-me-gustaria-cientifica/00031719649825650347215.htm
• https://www.laopinioncoruna.es/vida-y-estilo/gente/2024/06/29/clausura-femenino-nueva-cantera-tecnologica-104496160.html
• https://udc.gal/novas/A-Universidade-da-Coruna-clausura-a-primeira-quenda-do-ALDABA-TIC-Camp-2024/
• https://www.clusterticgalicia.com/noticias/aldaba-tic-camp-2024-las-ninas-asumen-el-liderazgo-de-las-tic/?lang=es