A Cátedra Vegalsa-Eroski UDC de Compromiso Social, Comunicación e Reputación Corporativa organiza o curso “Estratexias de Comunicación Dixital para o Desenvolvemento Sostible e o Impacto Social”, unha actividade formativa orientada a capacitar ao alumnado e ás persoas interesadas na aplicación da comunicación dixital como ferramenta de transformación social e impulso dos Obxectivos de Desenvolvemento Sostible (ODS).

 

A formación será impartida por Mar Cuervo, responsable de estratexias de marketing e especialista en comunicación e estratexias dixitais, quen achegará unha visión práctica centrada no deseño, planificación e implementación de accións de comunicación dixital con impacto social positivo.

 

O curso celebrarase os días 23 e 24 de abril de 2026 no Salón de Graos da Facultade de Ciencias da Comunicación da Universidade da Coruña (Campus de Elviña).

 

A actividade desenvolverase en modalidade híbrida, cunha parte presencial e outra virtual. O programa inclúe 10 horas de formación en liña destinadas a titorías e á elaboración e presentación dun traballo final.

 

Duración e horario

• Duración total: 20 horas 

• Horario presencial: xoves e venres de 16:00 a 21:00 horas 

 

O curso ten como finalidade proporcionar ferramentas e competencias para a creación de estratexias de comunicación dixital orientadas ao desenvolvemento sostible e á xeración de impacto social positivo, integrando unha perspectiva estratéxica e aplicada.

 

A formación conta con 20 prazas, que se asignarán por orde de inscrición.

 

 

Esta iniciativa enmárcase na liña de traballo da Cátedra Vegalsa-Eroski UDC, centrada na formación, a investigación e a transferencia de coñecemento no ámbito da comunicación responsable e o desenvolvemento sostible.

 

Máis información e inscrición no seguinte enlace [pica aquí].