Inscrición

Solicitar inscrición

Matrícula

Cena de gala 25,00  € Matrícula general sin reducción desde 01/02/25 200,00  € Matrícula estudiantes sin reducción desde 01/02/25 60,00  €

Información xeral

Tras as exitosas edicións de Granada (2016), Alacante (2018), A Lagoa-Tenerife (2021) e Barcelona (2023), SOCANTUR consolidouse como un referente na reflexión interdisciplinaria sobre as dimensións e impactos socioculturais, políticos e económicos do turismo. A quinta edición do Congreso Internacional de Socioloxía e Antropoloxía do Turismo - SOCANTUR terá lugar en 2025 na cidade da Coruña.

 

O V Congreso Internacional SOCANTUR terá lugar na Coruña do 11 ao 13 de xuño de 2025. Esta edición está organizada pola Facultade de Socioloxía e a Facultade de Turismo da Universidade da Coruña (UDC), en colaboración co Grupo de Estudos Territoriais (GET). A súa sede será a Escola Técnica Superior de Náutica e Máquinas da UDC, situada nun dos lugares máis emblemáticos da cidade, pois se atopa a poucos minutos do centro da cidade e do paseo marítimo de Riazor.

 

O presidente do Comité Organizador é D. Antonio Álvarez Sousa, catedrático de Universidade, decano da Facultade de Socioloxía e membro da Real Academia Galega de Ciencias, quen coordina esta edición do Congreso.

 

 
SOCANTUR é un punto de encontro e debate para sociólogos/as, antropólogos/as e membros doutras disciplinas sociais que traballan no ámbito académico, institucional, empresarial ou na sociedade civil organizada. O seu principal obxectivo é crear sinerxias e favorecer o desenvolvemento dun corpus de pensamento crítico e creativo sobre o sector turístico.

Así mesmo, nun contexto marcado por desafíos globais como a transición ecolóxica, a soberanía alimentaria, a descarbonización da economía, as desigualdades socioeconómicas e de xénero, SOCANTUR preséntase como unha plataforma clave para analizar estes retos desde unha perspectiva crítica e informada. O Congreso busca comprender as complexas conexións sociais e ambientais que inflúen no turismo, promovendo prácticas de xestión responsables e sostibles. 
 

Do mesmo xeito, o obxectivo central do seminario de estudantes é fomentar un espazo de diálogo e sinerxia entre os doutorandos, promovendo o intercambio de ideas e a colaboración activa. A través da discusión e a análise das súas investigacións, búscase enriquecer o coñecemento colectivo e xerar novas perspectivas.

 

Na clausura do acto, o venres 13 de xuño, farase entrega dos premios TFM e Tese Doutoral, o Premio Internacional á Mellor Tese de Doutoramento en Socioloxía ou Antropoloxía do Turismo. A data límite de candidaturas é o 30 de novembro de 2024 ás 23:59h.  Consulta as bases da convocatoria e inscrición aos premios a través da seguinte ligazón (pica aquí).

 

INFORMACIÓN

• Datas de realización: do 11 ao 13 de xuño de 2025.
• Lugar de celebración: Escola Técnica Superior de Náutica e Máquinas da UDC (Paseo de Ronda 51, 15011, A Coruña).
• Envío de comunicacións: do 27 de setembro ao 2 de decembro de 2024, ampliado ata o 9 de decembro de 2024 (consulta aquí máis información sobre o envío da túa comunicación).
• Comunicación da aceptación ou rexeitamento de comunicacións: 20 de decembro de 2024.
• Publicación do programa definitivo do congreso: 21 de marzo de 2025.
• Período de inscrición:
  • Autores con comunicación aceptada
    • Do 20 de decembro de 2024 ao 28 de febreiro de 2025.
  • Tarifa xeral
    • Do 20 de decembro de 2024 ao 10 de maio de 2025.
• Matrículas^*:
  • Reducida (do 20 de decembro de 2024 ao 31 de xaneiro de 2025)
    • Xeral: 130 euros
    • Estudantes: 30 euros. 
  • Xeral (do 1 de febreiro de 2025 ao 10 de maio de 2025)
    • Xeral: 200 euros. 
    • Estudantes: 60 euros
  • Cea de gala do xoves 12 de xuño de 2025: 25 euros

 

Web e información de contacto
Web: https://socantur.com/

Secretaría Técnica, Científica e Turística: congreso.socantur@udc.es 

Documentación a achegar

DOCUMENTACIÓN A APORTAR POR ESTUDIANTES:

• Resgardo de matrícula do curso actual.

Datas

Data de celebración: Do 11/06/2025 ó 13/06/2025
Data de inscrición: Do 20/12/2024 ó 10/05/2025
Data de matrícula: Do 20/12/2024 ó 10/05/2025

Web oficial

https://socantur.com/

Importes

Tarifa Cena de gala: 25,00 €
Tarifa Matrícula general sin reducción desde 01/02/25: 200,00 €
Tarifa Matrícula estudiantes sin reducción desde 01/02/25: 60,00 €

Soporte e máis información

Teléfono de contacto: 881014458
Enderezo electrónico: i.varelac@fuac.udc.es

Comparte esta información