Prazo de inscrición pechado.
Conversas sobre COMUNICACIÓN
Un mundo máis sustentable. Comunicación, Sustentabilidade e Confianza.
COMversacións é un ciclo de charlas arredor da Comunicación e os novos contextos sociais nos que estamos. É, polo tanto, unha oportunidade para debater sobre os cambios que afectan á sociedade e ás organizacións dende o punto de vista da comunicación. Dende un espírito crítico, poñemos o foco nos principais temas e retos que afectan á Comunicación.
No primeiro dos encontros, que se celebrará o 7 de marzo, a Cátedra Vegalsa Eroski debulla a relación entre Comunicación, Sustentabilidade e Confianza. A Sustentabilidade preséntase como un valor necesario de presente e de futuro tanto para a sociedade como para as organizacións. Require de certo cambio de mentalidade, polo que a Comunicación comparece como unha peza fundamental. E está moi relacionada coa Confianza, porque comunicación e confianza deben ir aliñadas. Para falar e reflexionar sobre isto contamos coa participación de tres profesionais de gran prestixio. Jessica Rey, de Comunicación e Marketing de Casa Grande de Xanceda; María Sande, Xefa de Comunicación Noroeste Iberia Coca-Cola e Marta Rey, profesora da Facultade de Económicas e investigadora no ámbito da sustentabilidade.
Tres mulleres protagonistas e líderes, coas que compartir conversa na véspera do Día Internacional da Muller.
Información:
*Requírese inscrición previa
Data de celebración: Do 07/03/2022 ó 07/03/2022
Data de inscrición: Do 18/02/2022 ó 07/03/2022
https://www.fundacion.udc.es/vegalsa-eroski/index.asp?id=78&idioma=GA
Teléfono de contacto: 881011171
Enderezo electrónico: belen.pazos@udc.es
Ciclo COMversaCIÓNS. Un mundo máis sustentable. Comunicación, Sustentabilidade e Confianza.