Pre-registration
Registration
Registration period pending opening
Event description
II Edición do curso de especialización en dereito dixital e intelixencia artificial do traballo e da seguridade social
O obxectivo é o de afondar no coñecemento e análise do impacto da dixitalización e da intelixencia artificial no mundo do traballo. Tanto a intelixencia artificial como os algoritmos, ferramentas características dos tempos que estamos a vivir, son instrumentos valiosos para calquera dos ámbitos sociais nos que nos desenvolvemos, e, polo tanto, tamén para o mundo das relacións laborais. Resulta imprescindible estudar o impacto da dixitalización do traballo no plano colectivo das relacións laborais, así como a incidencia dos algoritmos e a intelixencia artificial no Dereito dixital do Traballo.
Asemade, esta actuación formativa comprende os sistemas de regulación do espazo virtual e a xestión algorítmica da relación laboral na empresa, así como o estudo da regulación e dos dereitos relacionados coa protección da intimidade e a desconexión dixital, entre outros.
O curso diríxese ao alumnado do Sistema Universitario Galego (sen prexuízo da presencia de alumnado procedente doutras universidades), así como a persoas profesionais que precisan coñecer (ou seguir coñecendo con máis detalle) o Dereito do Traballo e da Seguridade Social aquí aplicábel.
INFORMACIÓN DE INTERESE:
Datas de impartición: do 23 de setembro ao 27 de outubro de 2026.
Horario: martes de 16:30 a 21:00h e mércores de 16:30 a 21:00h
Lugar: Facultade de Dereito da Universidade da Coruña (Campus de Elviña, 15008 A Coruña).
Nº alumnos:
- Prazas en modalidade presencial para público residente na provincia da Coruña: 40 prazas.
- Prazas en modalidade non presencial (ou en liña): 10 prazas (máximo).
Preinscrición e matrícula:
- Período preinscrición: do 30 de xullo ao 11 de setembro de 2026*.
- Matrícula: do 14 de setembro ao 17 de setembro de 2026.
*Modalidade presencial: A modalidade presencial dispón dun número limitado de prazas. Se se reciben máis solicitudes das dispoñibles, a admisión será por rigorosa orde de inscrición.
**Modalidade en liña: A modalidade en liña dispón dun número limitado de prazas. Se se reciben máis solicitudes das dispoñibles, a asignación realizarase atendendo a orde de inscrición e á xustificación facilitada sobre a imposibilidade de asistir presencialmente ao congreso.
Importe matrícula:
- Modalidade presencial: 30 euros.
- Modalidade non presencial (ou en liña): 100 euros.
Programa: pode descargar o programa en documentacion adxunta.
Organización: Consello Galego de Relacións Laborais. Universidade da Coruña.
Dirección, secretaría e coordinación académica (UDC): Iván Vizcaíno Ramos (Profesor Titular de Dereito do Traballo e da Seguridade Social), María Gorrochategui Polo (Profesora Axudante Doutora de Dereito do Traballo e da Seguridade Social), Andrea Baneira Súarez (Investigadora predoutoral da Area de Dereito do Traballo e da Seguridade Social) e Xosé Manuel Carril Vázquez (Catedrático de Dereito do Traballo e da Seguridade Social).
Dates
Date of event: From 9/23/2026 to 10/27/2026
Date of inscription: From 7/30/2026 to 9/11/2026
Date of registration: From 9/14/2026 to 9/17/2026
Attached documentation
Amounts
Price Modalidade presencial: 30,00 €
Price Modalidade non presencial: 100,00 €
Help and information
Contact phone: 881014458
Email: i.varelac@fuac.udc.es
Share this information
Curso de especialización en dereito dixital e intelixencia artificial do traballo e da seguridade Social