Muller, exercicio e deporte nas diferentes etapas do ciclo vital

Inscrición

Prazo de inscrición pechado.

Información xeral

A literatura científica mostra de maneira robusta e consistente os beneficios da actividade e o exercicio físico sobre as diferentes dimensións da saúde. A súa utilidade como ferramenta preventiva e terapéutica en diferentes perfís poboacionais foi evidenciada cientificamente e isto propiciou o desenvolvemento de múltiples iniciativas orientadas a lograr unha sociedade fisicamente máis activa. Neste sentido, no ano 2020 a Organización Mundial da Saúde publica a actualización da súa guía de actividade física e condutas sedentarias, incluíndo por primeira vez referencias concretas para subpoboacións específicas como son as mulleres embarazadas ou durante o postparto, e persoas que viven con enfermidade crónica e/ou discapacidade.

Por todo isto, a IV Xornada, organizada pola Cátedra SXD Galicia Activa, en colaboración coa Xunta de Galicia; Proxecto I+D+I PID2021-124277OB-I00 financiado por MICIU/ AEI/10.13039/501100011033 e por FEDER, UE, centrarase no perfil poboacional da muller, dando así continuidade ás xornadas dos anos anteriores centradas na poboación en idade escolar e nas persoas maiores, e poboacións con necesidades especiais: embarazo, enfermidade crónica e discapacidade, respectivamente.

Na xornada, pola mañá, contaremos coa participación de prestixiosos/-as investigadores/-as, que nos achegarán a súa experiencia respecto aos aspectos hormonais e perfil lesional da muller deportista, exercicio na muller embarazada, exercicio físico en muller postmenopaúsica, seguidas dunha mesa redonda onde participarán deportistas galegas olímpicas e/ou paralímpicas, na que os/as asistentes poderán formular preguntas e/ou comentarios. Pola tarde terá lugar un relatorio sobre o abandono da práctica deportiva en mulleres e un taller sobre liderado deportivo feminino.

XORNADA GRATUÍTA!! Se estás interesado/a inscríbete, prazas limitadas!!!

PROGRAMA DA XORNADA

RELATORES (consulta o seu cv aquí)

Dirixido a: