Información xeral

O curso sobre Fisioterapia Cardiorrespiratoria Avanzada pretende formar a especialistas altamente cualificados que, tomando como base os principios fisiolóxicos respiratorios e cardiovasculares do adulto e do neno e a valoración e o exame clínico exhaustivo do paciente, profunden nun modelo de razoamento clínico que facilite a toma de decisións preventivas e terapéuticas ante problemas clínicos cardiorrespiratorios e vasculares de elevada complexidade. 

Está orientado a permitir ao estudante, a través dun proceso formal de formación, adquirir coñecementos e habilidades altamente especializadas á vangarda da especialidade en Fisioterapia cardiorrespiratoria, que lle permitan ao profesional desenvolverse en contornas clínicas complexas e cambiantes e contribuír á mellora da atención clínica destes procesos. 

Preténdese, ao mesmo tempo, darlle a esta disciplina unha maior proxección social, contribuíndo á súa implantación, non só nas Unidades de Coidados Intensivos e as Unidades de Hospitalización nos grandes centros hospitalarios de atención especializada, senón tamén, nas Unidades de Atención Primaria e Atención Comunitaria e os centros privados monográficos, que permitan achegala a unha poboación cada vez máis sometida a agresións externas ambientais e cunha problemática cardiorrespiratoria crecente.

 

INFORMACIÓN:

• Datas de impartición e programa do curso 2023-2024:

17 ao 19 de novembro 2023 - Fisiopatoloxía das Enfermidades Cardiorrespiratorias
1 ao 3 de decembro 2023 - Valoración Cardiorrespiratoria Avanzada
19 ao 21 de xaneiro 2024 - Programas de Rehabilitación Pulmonar e Prescrición de Exercicio Terapéutico no Paciente con Enfermidade Respiratoria Obstructiva Crónica
23 ao 25 de febreiro 2024 - Programas de Rehabilitación e Prescrición do Exercicio Terapéutico no Paciente con Patoloxía Cardiovascular
22 ao 24 de marzo de 2024 - Fisioterapia Respiratoria no Paciente Pediátrico
19 ao 21 de abril 2024 - Intervención nas Complicacións Cardiorrespiratorias do Paciente Neurolóxico
10 ao 12 de maio 2024 - Fisioterapia no Paciente Crítico

• Matricula: do 15  ao 30 de setembro de 2023.
• Preinscrición: do 10 de xullo ao 15 de setembro de 2023  (Enlace ao Portal Académico de estudos propios para realizar as preinscricións)
• Matricula: do 15  ao 30 de setembro de 2023.
• Horarios: ​
  • Venres: 9:00-14:00 e de 15:30 a 20:30 horas
  • Sábado: 9:00-14:00 e de 15:30 a 20:30 horas
  • Domingo: 9:00 a 14:00 horas
• Modalidade: presencial.
• Avaliación: A asistencia a clase considerarase obrigatoria para poder realizar a avaliación. A avaliación é un requisito obrigatorio para a obtención do título de Especialista en Fisioterapia Cardiorrespiratoria Avanzada pola Universidade da Coruña. A non presentación á mesma implica a non tramitación do título, se ben expedirase un certificado de asistencia ao curso. Os contidos formativos impartidos nos módulos I a VII, avaliaranse cun cuestionario realizado a través do campus virtual. A análise de caso clínico valorarase a través dunha rúbrica especificamente deseñada. A nota media do estudo calcularase como a media ponderada das cualificacións obtidas en cada módulo. 
• Créditos: 30
• Aulas: Facultade de Fisioterapia Campus de Oza s/n CP15006 Universidade da Coruña
• Nº Alumnos: mínimo 17, máximo 20.

 

REQUISITOS DE ACCESO:

Serán admitidos os alumnos que poidan acreditar algunha das seguintes condicións:

1. Estar en posesión dun título universitario de Graduado/Diplomado/Licenciado en Fisioterapia, ou título estranxeiro equivalente.

 

Os criterios específicos serán os seguintes:

1. Orde de inscrición.

PREINSCRICIÓN:

Os alumnos interesados en cursar o posgrao deberán preinscribirse (sen abono de taxas) do 10 de xullo ao 15 de setembro de 2023, tendo en conta que o día límite deberán ter aportado a totalidade da documentación requirida e que se detalla máis abaixo.

 

Caso solicitar Bolsa, realizaráse todo o proceso de documentación no momento de realizar a preinscrición, achegando a documentación acreditativa que sexa solicitada.

1º Estudantado en situación de desemprego debidamente acreditada

2º Expediente académico (nota media do título de egresado pola que accede aos estudos)
 

 

MATRICULA:

Tras o proceso de preinscrición, os alumnos admitidos deberán proceder ao abono das taxas de matrícula. A matrícula ten un custo de 2.200 €, que o alumno poderá satisfacer en un ou dous prazos:

Pago único:

Abonaranse  2.200€ do 15 ao 30 de setembro de 2023.

Pago aplazado:

Abonaranse 1.500€ do 15 ao 30 de setembro de 2023.

Abonaranse 700€ no mes de febreiro de 2024.

(A ligazón de pago estará dispoñible cando se abra o prazo de matrícula). Formaliza no seguinte enlace a matrícula.

BOLSA MATRÍCULA:

Unha vez aceptada a súa solicitude de bolsa, o alumno deberá efectuar un único pago de 1.100 € en concepto de matrícula, quedando exonerado do segundo.

SOLICITUDE DE BOLSA:

Existen 2 bolsas do 50%  da matrícula, que se poderán solicitar do 10 de julio ao 15 de setembro de 2023.

Poderán optar a unha bolsa de axuda á matrícula aqueles alumnos admitidos, tras efectuar a preinscrición, que cumplan os seguintes requisitos (ambos):

1. Estudantado en situación de desemprego debidamente acreditada.
2. Expediente académico (nota media do título de egresado/diplomado pola que accede aos estudos).

 

Para outorgar as bolsas de axuda, seleccionaránse os alumnos en situación de desemprego, e deles, os mellores expedientes académicos.

 

Máis información sobre o programa e reseña curricular do profesorado (enlace).

 

DIRECCIÓN ACADÉMICA:

Sonia Souto Camba (e-mail de contacto: sonia.souto@udc.es )

Luz González Doniz (e-mail de contacto: luz.doniz@udc.es )

Ana Lista Paz (e-mail de contacto: ana.lista@udc.es)

Documentación a achegar

DOCUMENTACIÓN A ACHEGAR XUNTO CO BOLETÍN DE PREINSCRICIÓN:

1. DNI, pasaporte ou tarxeta de residencia (para estranxeiros), en vigor, escaneado por ambas caras e que se vexa completo
2. Título de acceso escaneado por ambas caras, lexible, asinado e que se vexa completo (será un dos seguintes: copia do título universitario de acceso, certificado sustitutorio do título, certificación do expediente académico persoal con data de depósito do título). 
3. Documentación da bolsa, en caso de aplicar.

Créditos

Créditos: 30

Datas

Data de celebración: Do 17/11/2023 ó 12/05/2024

Web oficial

https://www.ffisacademica.udc.gal/p/especializacion-fisioterapia.html

Soporte e máis información

Teléfono de contacto: 881014458
Enderezo electrónico: i.varelac@fuac.udc.es

Comparte esta información