PRESENTACIÓN

A compañía Greenalia e a Universidade da Coruña (UDC) impulsan a posta en marcha da Cátedra de Transición Enerxética. Unha iniciativa a través da cal ambas organizacións buscan promover a investigación, a divulgación e a transferencia de coñecementos sobre o impacto do cambio climático, o proceso de descarbonización e a transición enerxética, con especial atención aos seus efectos na nosa CCAA.

A estos obxectivos súmase un fundamental para ambas entidades: o impulso para crear novo talento nestas materias, pois o emprego verde presisará cada vez máis de máis e mellores especialistas.

Para iso, a productora de renovables con sede na Coruña comprométese a financiar as distintas actividades que se planifiquen anualmente no marco desta Cátedra que terá unha duración prevista de 4 anos.

O acordo acadado entre ambas entidades permitirá abordar actuacións de investigación, formación e análise centradas no proceso de descarbonización, a loita contra o quecemento global e a procura de novos sistemas e aplicacións en prol dunha transición máis inclusiva, igualitaria e xusta. Temas de máxima relevancia para o presente e futuro do noso Planeta.

NOTICIAS