PRESENTACIÓN

Máster en Formación Permanente en Enerxía Eólica Mariña Flotante

A finalidade do Máster é cubrir a escasa formación en relación á enerxía eólica mariña flotante, unha enerxía do futuro, polo que é esencial dispoñer de profesionais altamente cualificados. Analizarase a contextualización das enerxías renovables mariñas, a industrialización de procesos e a análise de compoñentes en eólica mariña flotante, a análise estrutural da eólica mariña flotante e a análise económica, social e legal da eólica mariña flotante.

O obxectivo deste Máster, impartido en inglés e castelán, é proporcionar unha formación eminentemente práctica en enerxía eólica mariña flotante que sirva de base ás novas necesidades que buscan as empresas deste crecente sector. Esta formación culminará con prácticas en empresas e un traballo de fin de máster.

Desta forma, os principais obxectivos deste Máster son os seguintes:

• Servir de base para a formación de empresas eólicas mariñas e os seus auxiliares, tanto galegas como nacionais.
• Formar profesionais de diferentes áreas, algúns dos cales proveñen de escolas de enxeñería da área.
• Situar a Ferrol como referente e na vangarda da enerxía eólica mariña flotante, non só a nivel construtivo, cos seus estaleiros, senón tamén a nivel formativo, con este Máster.

Este Máster está dirixido a profesionais, titulados universitarios e estudantes que queiran aprender no campo da eólica mariña flotante.

Resultados de aprendizaxe do título

É un título propio de posgraduado da UDC, que é unha formación non oficial, destinada a proporcionar unha alta especialización profesional, organizada pola Universidade da Coruña e a empresa Iberdrola. O abanico docente sexa moi amplo, incluíndo profesores da Universidade da Coruña, profesores doutras universidades e/o centros de investigación nacionais e internacionais e importantes profesionais do sector vinculados a empresas do sector eólico mariño.

Así,os resultados de aprendizaxe son os seguintes:

• Comprender e contextualizar os diferentes tipos de enerxía renovable mariña (C).
• Comprender a industrialización dos procesos destinados á construción e instalación de parques eólicos mariños flotantes (C).
• Analizar os compoñentes principais da enerxía eólica mariña flotante (C).
• Realizar o cálculo estrutural da enerxía eólica mariña flotante (COM).
• Analizar os principais factores económicos, sociais e legais que fan posible a implementación dos parques (COM).
• Capacidade de planificación e desenvolvemento dun proxecto integral dun parque eólico mariño flotante (HD).

O título pretende que o alumnado egresado adquira os coñecementos necesarios para poder exercer no sector da eólica mariña flotante. 

NOTICIAS