En xuño de 2021 formalizase a creación da Cátedra Ghenova UDC de industria 4.0. entre Ghenova e a Universidade da Coruña.  Preséntase como unha nova etapa de transformación industrial, e implica a promesa dunha revolución que combina técnicas avanzadas de producción e operacións con tecnoloxías intelixentes, que integraránse nas organizacións, as persoas e os activos.

 

Esta nova transformación industrial moi posiblemente estará sustentada na chamada fábrica intelixente, caracterizada pola interconexión de máquinas e de sistemas no propio emprazamento de producción. Tamén apoiarase nun fluido intercambio de información da fábrica intelixente co exterior, en aspectos tan variados como o nivel de oferta e demanda dos mercados, os clientes, os competidores, e outras fábricas intelixentes. 

 

A Cátedra Ghenova-UDC ten como obxectivo fomentar actividades de formación relacionadas coa industria 4.0., e as novas tecnoloxías implicadas como a robótica, analítica, intelixencia artificial (IA), tecnoloxías cognitivas, nanotecnoloxía e internet das cousas (Iot), así como desenvolver novo coñecemento mediante a investigación nestas áreas.Tamén fomentarán actividades de divulgación nas empresas e a comunidade universitaria sobre a transformación industrial 4.0.. En particular fomentaráse a relación de colaboración co Instituto Panamericano de Enxeñaría Naval (IPIN), que engloba as institucións iberoamericanas neste ámbito. 

 

Ghenova é unha empresa internacional con sede en Sevilla que ofrece servizos multidisciplinares de enxeñaría e consultaría con máis de 500 empregados, dos que o 80% son enxeñeiros. As liñas de negocio son Naval e Defensa, Enerxía e Industria, Transformación Dixital e Infraestruturas. Traballa en proxectos internacionais en máis de 25 países, desenvolvendo 900.000 horas de enxeñaría e consultaría ao ano.

Ten unha longa vinculación con Galicia, con oficinas en Ferrol e Vigo con preto de 150 profesionais, ademais de contar con sedes en diferentes países como Brasil, Colombia, Bolivia e Australia. 

A aposta pola diversificación, a sinerxía entre as áreas de negocio e a innovación continua sitúan a Ghenova entre as empresas líderes de enxeñaría en Europa e Iberoamérica. A experiencia acumulada ao longo de máis de 25 anos de actividade, os bos resultados e, sobre todo, a confianza dos clientes, contribúen a que siga medrando nos sectores tecnoloxicamente máis esixentes.