ACTIVIDADES E SERVIZOS

CHARLAS E TALLERES

Xornada "Exercicio Físico e Cancro"

Esta xornada está organizada pola Cátedra SXD Galicia Activa, en colaboración coa Xunta de Galicia e a Cátedra AECC-UDC exercicio contra o cancro, e ten como obxectivo profundar no papel do exercicio físico como ferramenta clave, eficaz e segura tanto para a prevención como para o tratamento do cancro. 

A Xornada explorará o impacto do exercicio con especial atención á oncoloxía pediátrica, a cardiotoxicidad e o cancro de mama. Prestixiosos/-as investigadores/-as compartirán investigacións, experiencias clínicas e proxectos innovadores. A maiores, celebrarase (en horario de mañá) unha mesa redonda cos testemuños de pacientes e deportistas oncolóxicos, así como profesionais do exercicio físico implicados no proceso, ofrecendo unha visión ampla sobre os desafíos afrontados.

Contaremos cos seguintes relatores:

• -Alfonso Jiménez Gutierrez. Presentará o relatorio I: Experiencias e beneficios do exercicio físico e o cancro.

• -Carmen Fiuza Luces. Presentará o relatorio II: Exercicio físico en oncoloxía pediátrica.

• -Manuel Avelino Giráldez García. Presentará o relatorio III: Exercicio físico e toxicidade cardiovascular. 

• -Alberto Soriano Maldonado. Presentará o relatorio IV: Entrenamento de forza en supervivinte de cancro de mama:o Proxecto EFICAN na cidade de Almería.

A clausura do evento estará a cargo de Mariña Morán Moset, a directora de Coñecemento e Asuntos Médicos da Asociación Española Contra o Cancro.

XORNADA GRATUÍTA!! Se estás interesado inscríbete, prazas limitadas!!! (pica aquí)

PROGRAMA DA XORNADA (consulta aquí)

RELATORES (consulta aquí)

-Dirixido a: ​estudantes de máster e doutoramento, profesores/-as universitarios/-as, profesionais do exercicio e da actividade física, federacións e clubes: adestradores/as e deportistas, Cluster e Centros deportivos, Agaxede, Colef, profesionais do ámbito sanitario e público en xeral interesado en asistir.

-Día de celebración:  sábado, 22 de novembro de 2025. 

-Lugar de celebración: Hotel NH Collection Santiago de Compostela (Av. do Burgo das Nacións, 4, 15704 Santiago de Compostela, A Coruña).

-Horario:  de 9:45 a 13:45 e de 16:00 a 18:00h

-Modalidade: Presencial

-Inscrición: ata o 19 de novembro de 2025 ata as 13:00h (ou ata completar aforo)*

_{*Aforo limitado. As prazas asignaránse por orde de inscrición.} 

Expediráse certificación acreditativa de asistencia.

Curtis-Teixeiro
Porque o exercicio é vida, tamén durante o cancro

Participa na charla e o taller “Beneficios do exercicio físico en persoas con cancro”. Coñecerás como moverche de forma segura, mellorar o teu estado físico e emocional, coa orientación do equipo técnico da Cátedra AECC-UDC: Exercicio contra o cancro. 
📍 Salón de actos do Recinto Feiral de Curtis (Emilia Pardo Bazán, 6)
🗓️ Martes 21 e 28 de outubro de 2025, ás 17:00 h
✍️Inscricións: 981 14 27 40 / acoruna@contraelcancer.es

Betanzos
Móveche pola túa saúde!

Convidámosche a participar na charla e o taller “Beneficios do exercicio físico en persoas con cancro”. Descubrirás como o movemento pode axudarche a mellorar o teu benestar, aumentar a túa forza e sentirche mellor cada día, acompañado por profesionais especializados membros do equipo técnico da Cátedra AECC-UDC: Exercicio contra o cancro. 
📍 Salón Azul do Edificio Liceo (Praza de Galicia, 1)
🗓️ Xoves 16 e 23 de outubro de 2025, ás 17:00 h
✍️Inscricións: 981 14 27 40 / acoruna@contraelcancer.es

Mugardos
O exercicio tamén forma parte da recuperación

Acompáñanos nas sesións informativas e prácticas sobre exercicio e cancro. Compartiremos coñecementos e experiencias sobre saúde, benestar e movemento, nun espazo próximo e accesible para pacientes e familiares, orientado polo equipo técnico da Cátedra AECC-UDC: Exercicio contra o cancro. 
📍 Centro Cívico de Mugardos (Rúa Contramaestre Casado, 5)
🗓️ Luns 13 e 20 de outubro de 2025, ás 17:00 h
✍️Inscricións: 981 14 27 40 / acoruna@contraelcancer.es