Que é a FUAC

A Fundación Universidade da Coruña, entidade constituída por escritura pública o 24 de marzo de 1997, ten a consideración de medio propio instrumental e de servizo técnico da Universidade da Coruña, seguindo como tal os seus principios, obxectivos e políticas en materia de transparencia, rendición e eficiencia na utilización dos recursos, igualdade, innovación, etc. 

Coa Universidade da Coruña e o seu Consello Social como patronos, a nosa misión é promover a investigación, a formación, o emprego e a transferencia de coñecemento en colaboración coa Universidade, impulsando a participación de entidades públicas e privadas no desenvolvemento social e económico da sociedade.