-Lograr que en A Coruña se forme un centro de referencia no ámbito da Traumatoloxia do Deporte, non só para Galicia, senón para todo o noroeste peninsular.
-Promover unha formación de calidade no campo da Traumatoloxía do Deporte nos ámbitos da medicina, fisioterapia, e da educación física, da que podan aproveitarse os profesionais da contorna da UDC e da Coruña.
-Estimular a investigación no ámbito da Traumatoloxía do Deporte.
A Cátedra HM de Traumatoloxía do Deporte da UDC resolveu a convocatoria de bolsas de formación para o curso 2023-2024, que ofrece a licenciados en medicina con interese na Traumatoloxía do Deporte a posibilidade de realizar unha formación específica neste campo nun centro de referencia nacional e internacional.
Javier Cudeiro Mazaira, director da cátedra HM-UDC, catedrático de Fisioloxía da UDC e director do Centro de Estimulación Cerebral de Galicia, é o comisario da exposición temporal “Os labirintos do cerebro” que acolle o MUNCYT da Coruña, e coordinador do ciclo de conferencias que se celebran como complemento á exposición. A exposición poderá visitarse ata o 30/06/2024 durante o horario de apertura ao público.
A Cátedra HM-UDC colaborou no evento de presentación do libro “Camino da inclusión”, realizado por ANHIDACORUÑA (Asociación de Nenos con Déficit de Atención con/sen Hiperactividade). O acto tivo lugar o xoves 21 de setembro na Sede Afundación e contou coa participación de Marcelo Castelo Rivas, comunicador diverxente con TDAH, e Javier Cudeiro Mazaira, especialista en Neurofisioloxía e Catedrático de Fisioloxía da UDC.
O sistema nervioso, labirinto de labirintos, foi a escusa perfecta para deseñar e levar a cabo na Coruña a exposición do MUNCYT, “Os labirintos do cerebro”. Nesta exposición e seguindo o fío condutor da historia, revisamos algúns achados craves que permitiron mellorar a nosa comprensión sobre a estrutura e a función do cerebro. A exposición estará dispoñible ata o 30 de xuño de 2023 e poderá visitarse durante o horario de apertura ao público do MUNCYT.
Ademais, o MUNCYT Coruña convídavos a participar nesta enquisa totalmente anónima, desenvolta dentro do proxecto expositivo 'Labirintos do Cerebro', encamiñada a recoller información sobre a capacidade de navegación cerebral en persoas afectadas por COVID persistente. Os resultados da enquisa compartiranse co público na páxina Web do MUNCYT cando acabe a exposición temporal. Moitas grazas por participar!
Como complemento á exposición, ofrecemos ao visitante interesado e ao amante da ciencia, un ciclo de conferencias que se iniciará o día 28 de setembro de 2023 e prolongarase ata xuño do ano 2024.A selección de relatoras permitiu reunir a grandes expertos galegos e do resto do territorio español que abordarán distintos aspectos do noso laberíntico cerebro para entender mellor o que somos.
O ciclo está coordinado polo comisario da exposición, Javier Cudeiro Mazaira, Catedrático de Fisioloxía da Universidade da Coruña, Director da Cátedra Institucional HM-UDC e do Centro de Estimulación Cerebral de Galicia.
Todas as charlas celebraranse ás 19:00 h. no salón de actos do Muncyt A Coruña cunha duración estiamada de 90 minutos, incluído o coloquio. Serán de acceso libre ata completar aforo e retransmitiranse en directo a través da canle de Youtube da Fundación Española para a Ciencia e a Tecnoloxía (FECYT).
Consulta aquí o programa do Ciclo de conferencias "Os labirintos do cerebro"
A Cátedra HM- UDC convoca para o curso académico 2023-2024 unha bolsa de formación para médicos con interese no ámbito da Traumatoloxía Deportiva. Ofrece a posibilidade a médicos que non teñen unha formación específica dentro do seu programa de estudos de Medicina nin nas diferentes especialidades médicas vía M.I.R., a posibilidade de realizar unha formación específica neste campo un ano* nun centro de referencia nacional e internacional. A cuantía da bolsa será de 8.000 euros.
*Excepcionalmente poderán considerarse períoos de formación de 6 meses. Nese caso a cuantía da bolsa será de 4.000 euros.
O prazo de presentación de solicitudes dará comezo o 20 de setembro de 2023 e rematará o 15 de novembro de 2023.
A Cátedra HM- UDC convoca para o curso académico 2022-2023 dúas novas bolsas de formación para médicos con interese no ámbito da Traumatoloxía Deportiva. Ofrece a posibilidade a médicos que non teñen unha formación específica dentro do seu programa de estudos de Medicina nin nas diferentes especialidades médicas vía M.I.R., a posibilidade de realizar unha formación específica neste campo un ano* nun centro de referencia nacional e internacional. A cuantía da bolsa será de 5.000 euros.
*Excepcionalmente poderán considerarse períoos de formación de 6 meses. Nese caso a cuantía da bolsa será de 2.500 euros.
O prazo de presentación de solicitudes dará comezo o 2 de marzo ata o 15 de maio de 2023.
O premio Cátedra HM_UDC á mellor publicación científica, busca dar visibilidade ás actividades relacionadas coa Traumatoloxía do Deporte en España. Conséguese, así, incentivar a produción científica de calidade e difundir os resultados da investigación e as actividades da Cátedra.
Os traballos deben versar sobre calquera ámbito da Traumatoloxía do Deporte.
Concederase un único premio de 1.500 euros.
Poderán optar a este premio os traballos publicados, entre o 1 de xaneiro de 2022 e o 31 de decembro de 2022, en revistas científicas que aparezan citadas en revistas indexadas no Journal Citation Report (JCR) da última edición dispoñible.
O prazo de presentación de solicitudes será do 2 de marzo ata o 30 de maio de 2023